Mediet në Sarajevë raportojnë se si Bosnja po bllokon mallrat e eksportuara nga Kosova
Produktet me origjinë shtazore të prodhuara në Kosovë nuk arrijnë të depërtojnë në tregun e Bosnjë dhe Hercegovinës, ndërsa mallrat boshnjake janë të pranishme në dyqanet e Kosovës.
Edhe përkundër faktit se të dyja vendet janë pjesë e një marrëveshjeje të njohur si CEFTA, e cila ka për qëllim lehtësimin e këmbimeve tregtare në vendet e Ballkanit Perëndimor, BeH vazhdon ta bllokoj Kosovën.
Sipas medieve në Sarajevë, Serbia dhe Bosnja e Hercegovina janë të vetmet vende në rajon që nuk e njohin pavarësinë e Kosovës dhe si të tilla nuk ia njohin as certifikatën veterinare. Në këtë certifikatë, prodhuesi është i detyruar të shënojë origjinën e produktit – në këtë rast Republikën e Kosovës.
Drejtori ekzekutiv i Agjencisë së Ushqimit dhe Veterinës, Flamur Kadriu ka konfirmuar se në fund të vitit të kaluar ka kërkuar nga Agjencia e Ushqimit dhe Veterinës në BeH që të lejojë hyrjen e produkteve kosovare me origjinë shtazore.
Në muajin mars, shton ai, për të njëjtin qëllim u është dërguar edhe një shkresë zyrtare zyrtarëve të Qeverisë së këtij vendi.
“Këto institucione nuk kanë reaguar. Rasti tashmë është raportuar në sekretariatin e CEFTA-s”, thotë Kadriu.
Të dhënat e Doganës së Kosovës tregojnë se nga viti 2022 deri më 13 prill 2023, vlera e produkteve të mishit që kanë hyrë në Kosovë nga BeH është mbi 190 mijë euro, ndërsa vlera e produkteve të qumështit është mbi 4.8 milionë euro.
Nga viti 2018 deri në prill të vitit 2023, Kosova ka importuar produkte nga BeH në vlerë rreth 240 milionë euro. Përveç qumështit dhe produkteve të mishit, Kosova nga BeH importon edhe pije, alkool, produkte druri, qeramikë, qelq, lodra, etj. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Eksploro natyrën me veshjet e stilit taktik të Melodia Px
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Trajtimi i punëtorëve teknikë vazhdon të jetë shqetësues
Pasuria e guvernatorit të BQK-së, drejtorit ATK-së dhe drejtorit të Doganës
Evapify - Pasagjeri yt i përhershëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur