Mediat spanjolle zbuluan arsyen pse Reali nuk ia zgjati kontratën Modricit

Luka Modriq i ka dhënë lamtumirën Real Madridit.

Kjo i dha fund spekulimeve se pas 12 vitesh ai do të largohej nga Klubi Mbretëror, vendi ku fitoi pesë Liga të Kampionëve, Topin e Artë dhe trofe të panumërta të tjera, si kolektive ashtu edhe individuale.

Edhe pse, ashtu si në vitet e kaluara, pati spekulime për muaj të tërë nëse Modric do të qëndronte, Reali vendosi të mos ia zgjaste kontratën për një vit tjetër.

Siç shkruan gazeta spanjolle Relevo, rolin kryesor, sigurisht, e luajti presidenti i klubit, Florentino Perez.

Ai zhvilloi disa takime me Modricin dhe Reali vendosi t’u jepte më shumë shanse lojtarëve të rinj.

Lexo po ashtu Lexoni letrën e lamtumirës së Modricit ndaj Real Madridit dhe tifozëve

“Kontrata e Modricit po skadon dhe Reali është i vetëdijshëm se duhet të investojë te lojtarët e rinj”, shkruan Relevo.

Modric e falënderoi Perezin, ndër të tjera, në letrën e tij të lamtumirës.

“Dua ta falënderoj klubin nga thellësia e zemrës, veçanërisht presidentin Florentino Perez, shokët e mi të ekipit, trajnerët dhe të gjithë ata që më kanë ndihmuar në çfarëdo mënyre gjatë gjithë këtyre viteve”, shkroi Modric. /Telegrafi/