Klube si Manchester United, Chelsea dhe Borussia Dortmund janë vënë pas Amir Rrahmani, kanë shkruar mediat italiane sot.

Napoli do ta ketë të vështirë të mbajë ish-lojtarin e Dinamo Zagreb, për të cilin do të kërkojë të paktën 30 milionë euro.

Pasi kaloi në stol tre ndeshjet e para të sezonit, 28-vjeçari Rrahmani është bërë lojtar i rregullt i skuadrës së parë të Napolit në kampionat dhe ka luajtur pothuajse të gjitha ndeshjet e tij në grupe të Ligës së Evropës.

Ai gjithashtu shënoi tre gola në 35 ndeshje dhe mund të ndryshonte lehtësisht klubin gjatë verës.

Kjo ka bërë që mediumi i njohur kroat, Index.hr të shkruajë për mbrojtësin që Dinamo e shiti për 2.1 milionë euro.

Rrahmani erdhi në HNL të Kroacisë në vitin 2015, duke luajtur fillimisht te RNK Split. Një vit më vonë, Dinamo e bleu për 1.6 milionë euro dhe për ta luajti 57 ndeshje.

Dinamo e dha huazim te Lokomotiva për një vit, ndërsa në verën e 2019 ai u shiti te Hellas Verona për 2.1 milionë euro.

Në atë kohë dukej që shuma e marrë ishte e mjaftueshme, por tani kur vlera e Rrahmanit sipas Transfermarkt kap vlerën e 25 milionë eurove, kroatët kanë filluar të mendojnë se a ishte shitje e duhur në atë kohë. /Telegrafi/