I mbijetuari 16-vjeçar tregon se si u mbytën në liqen vëllai dhe kushëriri i tij
Një ditë pas tragjedisë së ndodhur në liqenin e Shkodrës ku humbën jetën dy kushërinjtë të mitur (djem xhaxhallarësh), familja Tahiri në fshatin Boriç i Madh në Malësinë e Madhe ka hapur dyert e mortit.
Mësohet se Ervis dhe Sabian Tahiri, përkatësisht 13 dhe 15 vjeç, së bashku me dy kushërinj të tjerë dhe tre shokë (shtatë persona), shkuan për t’u larë në liqen, por argëtimi i tyre u kthye në tragjedi.
Rifat dhe Naim Tahiri, dy baballarët e djemve të mbytur, lajmin e kobshëm e kanë marrë vesh përmes një telefonate nga disa të panjohur. Elsaidi, vëllai i viktimës Ervis Tahiri, ishte në varkën që e mori rrjedha e liqenit. Ai rrëfeu momentet e tmerrit. Vëllai i viktimës tregoi me detaje se si ai dhe katër të tjerët arritën të dilnin të gjallë në breg.
“U nisëm nga shtëpia rreth orës 12:00 të së enjtes dhe shkuam në liqen për t’u larë. Aty morëm një lundër (varkë) që është e jona dhe hymë në liqen, pasi nuk e menduam se mund të na ndodhte ndonjë gjë e keqe. Isha unë, vëllai im që fatkeqësisht u mbyt, djali i xhaxhait që edhe ai fatkeqësisht u mbyt, djali i tezës së babait dhe 3 të tjerë që erdhën me ne, shokët tanë. Pra në total kemi qenë 7 persona. Pesë arritëm të dilnim, ndërsa dy të tjerë, fatkeqësisht mbetën brenda në ujë. Ne dolëm në liqen për qejf. Si shumë banorë e të rinj të zonës, thjesht morëm lundrën për të shëtitur. Nuk e dinim fare se mund të ndodhte një gjë e tillë dhe as na e merrte mendja aspak se dikush mund të mbytej. Nuk kemi parandier asgjë të keqe. Ne dimë not, edhe vëllai me djalin e xhaxhait dinin not. Nuk ishim shumë larg bregut, as 100 metra. Po të parandienim diçka të keqe, s’do të kishim shkuar për asnjë arsye. Moti realisht ishte i vranët, erë kishte, por edhe pak dallgë kishte. Neve nuk na u duk moti aq i keq apo dallgët aq të mëdha sa të na rrezikonin. Na u duk një situatë normale. Aty ku ishim ne, uji ishte i cekët”, tha 16-vjeçari Elsaid Tahiri.
Ndërkohë, ai pohoi se “mund të ketë qenë ora 14:00 ose 14:30, kur morëm për t’u kthyer drejt bregut. Pra rreth 2 orë ose 2 orë e gjysmë jemi larë në liqen. Pastaj si papritur uji nisi që të thellohej vetvetiu. Na zuri të gjithëve në befasi, sepse menjëherë nisi të rritej niveli i ujit derisa na kapërceu të gjithëve. Na kaloi uji mbi kokat tona. Duke qenë në këtë situatë të vështirë ku uji na kishte mbuluar, në moment ne të gjithë menduam që të lëmë lundrën dhe të nisemi me not. Ky ishte një vendim për të cilin të gjithë ramë dakord. Morëm për të dalë në breg me not. Nga 7 persona që ishim, 5, edhe pse me vështirësi, arritëm të dilnim. Ndërsa, vëllai e kushëriri im u mbytën. Për momentin ishte e pabesueshme. S’gjej fjalë të shprehem se si ndihem. Nuk e di çfarë të them. Ne të tjerëve na ndihmoi Zoti. Vëllai dhe djali i xhaxhait dinin not, por mund të jenë lodhur ose i ka zënë paniku dhe fatkeqësisht sot nuk i kemi më. Ne e braktisëm lundrën sepse rrjedha ishte e fortë dhe me sa pamë vinte nga era e fortë. Uji na mbuloi dhe s’kishim zgjidhje tjetër. Lundra nuk na shërbente më”.
Gjithashtu, Elsaidi tha se në liqen kishin qenë një ditë para ngjarjes tragjike. /Gazeta Shqiptar/
Promo
Reklamo këtuLufta Prigozhin - Putin
Më shumëNga Rubrika
Iu bë atentat në Bruksel më 28 prill, ndërron jetë Agustin Kaza – dyshohet se u vra për gjakmarrje
Zhduket një 28-vjeçare në Ferizaj, familja kërkon ndihmën e policisë dhe qytetarëve për gjetjen e saj
Hoxha: Duke e bllokuar Kosovën në KiE, Gjermania dhe Franca anojnë kah Serbia qartazi
DASH për Telegrafin: Të gjitha raportimet janë të rreme - Escobar nuk është shkarkuar, emërohet në një pozitë tjetër sipas rrotacionit
“Para se të hidhej e pa Erdgysin me 18-vjeçaren": Zbardhet dëshmia e motrës së Almës
Policia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Atentati ndaj vëllait të Aleksandar Jabllanoviqit, flet zëvendësdrejtori i PK-së në Mitrovicën e Veriut
Pse do të reduktohet numri i dëshmitarëve në Gjykatën Speciale, sipas avokatit Musa
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'