Floyd Mayweather e ka listuar vetën si boksieri më i mirë i të gjitha kohërave, duke lënë jashtë Muhammad Ali dhe Mike Tysonin.

43-vjeçarin ka publikuar renditjen e tij prej pesë boksierëve, ndërsa e ka klasifikuar veten si më i miri, pasi ka fituar të gjitha 50 takimet që i ka pasur në karrierë.

Mayweather kishte një bashkëbisedime me reperin Fat Joe, duke zbuluar emrat e pesë boksierëve më të mirë të të gjitha kohërave.

Natyrisht se boksieri ka listuar veten në vendin e parë, derisa pas tij janë emra si, Pernell Whitaker, Roberto Duran, Larry Holmes dhe Aaron Pryor.

“Do shkojmë me renditjen e tyre. Natyrisht se qo thosha për vetën time si boksieri më i dekoruar, nga 50 takime që i kam zhvilluar, asnjë nuk e kam humbur”, ka thënë ai.

“Pas meje vijnë boksierë të çmuar si, Pernell, Duran, Holmes e Pryor – këta të gjithë gëzojnë respektin tim për të arritura e tyre në boks”.

“Nuk them se të tjerët nuk janë të mirë, mirëpo unë vlerësojë këta katër boksierë dhe mendoj se janë më të mirët”, ka shtuar më tej Mayweahter. /Telegrafi/

Foto: The Sun