Max Holloway arriti ta fitojë me vendim unanim të gjyqtarëve ndeshjen ndaj Yair Rodriguez në kuadër të UFC Vegas 42 në kategorinë featherweight (deri në 65,8 kg).

Holloway dhe Rodriguez kanë luftuar ashpër dhe fortë për plot pesë raunde në mëngjesin e së dielës.

Megjithatë, fitores në fund iu gëzua vetëm luftëtari amerikan, Holloway, me vendim unanim të gjyqtarëve.

Gjyqtarët vendoset të t’ia japin fitoren Hollowayt me rezultate (49-46, 48-47, 48-47).

Ky ishte njëri ndër meçet më të përgjakshme në histori të UFC, pasi për plot pesë raunde asnjeri luftëtar nuk u kursye nga goditjet.

Në fund, amerikani u ndje shumë i lumtur me fitoren, por nuk harroi ta përgëzoj kundërshtarin e tij për një luftë të fortë. /Telegrafi/