“Në kohën kur misri duhet punuar, bujqit nuk arrijnë të hyjnë në arat e tyre pasi ato, edhe pas pesë ditësh, mbeten nën ujë, si pasojë e reshjeve të shumta të shiut ditëve të fundit”, thotë Memet Sinani, nga Konfederata e fermerëve në Maqedoninë e Veriut derisa tregon arat e përmbytura në fshatrat e komunës së Bogovinës, Tetovës dhe Gostivarit.
Ai thotë se faji nuk qëndron te reshjet e shumta gjatë vikendit (16 dhe 17 qershor), por te mospastrimi i kanaleve për vaditje, veçanërisht kanaleve kulluese që mbledhin ujërat e tepërt në ara në situata të tilla kur ka reshje rrëmbyeshme shiu.
“Këto kanale që i shihni këtu, flas këto për ujitje, institucionet përkatëse i pastruan para tre vjetësh. Kurse kanalet për tërheqjen e ujit, pra kanalet kulluese nuk janë pastruar që nga koha e Titos”, thotë Sinani për Radion Evropa e Lirë.
“Para dy vjetësh kanali që absorbonte ujërat u mbyll pasi u vendosën gypa për funksionin e të cilëve ne s’jemi të informuar. Çka ndodh tani? Kur ka shumë shi, uji s`ka ku të shkojë dhe mbetet me ditë në ara”, thotë Sinani.
Uji nga shirat nuk është tërhequr as nga arat e Petar Matovskit, një nga kultivuesit më të mëdhenj të misrit dhe jonxhës në rajonin e Jegunovcës.
“Nga 60 hektarët e mbjellë me misër dhe jonxhë vetëm një e treta ka shpëtuar nga përmbytjet. Shumë e palakmueshme do të jetë situata me sigurimin e ushqimit për kafshët pasi shirat shkatërruan pjesën më të madhe të të mbjellave. Kjo do t’i rrisë çmimet”, thotë Matovski.
Nga Ministria e Bujqësisë thonë pasi të marrin raportin nga ekipet e autoriteteve lokale që regjistrojnë hapësirat e dëmtuara me të mbjella, dëmet do t`u kompensohen bujqve.
Nga ky dikaster nuk japin detaje se ku qëndron problemi me mospastrimin e kanaleve kulluese.
Nga komuna e Jegunovcës (mes Tetovës dhe Shkupit) bëhet e ditur se deri më tani rreth 150 hektarë me kultura bujqësore kanë pësuar dëme nga përmbytjet.
Në këtë komunë në terren ka dalë dhe një komision i përbërë nga përfaqësues të komunës.
Gjatë ditës së mërkurë fermerëve u janë dorëzuar formularë për të raportuar dëmet që kanë pësuar kulturat bujqësore që kanë mbjellë.
“Misri, gruri, jonxha, specat, qepa, patatet, gjithçka që është mbjellë është nën ujë. Nëse sot uji nuk tërhiqet, nesër nuk do të ketë vend për mbjellje të reja. Gjithçka do të kalbet. Më vonë do të kemi një problem të ri. Pasi të largohet uji, do të ketë shumë mushkonja, do të duhet të spërkaten të mbjellat. Kjo do ta rrisë koston e prodhimit”, thekson Vasko Jançevski nga Bashkësia Lokale në Raotincë, rajoni i Tetovës.
Reshjet e mëdha të shiut gjatë muajit qershor kanë goditur shumë komuna të vendit si Tetovën, Bogovinën, Jegunovcën, Kriva Pallankën, Kavadari, Kumanovën duke shkaktuar përmbytje.
Nga Enti Hidrometeorologjik thonë se mot me shi pritet edhe gjatë kësaj fundjave. Kjo ka rritur edhe më shumë shqetësimin te bujqit se do të shkatërrohen plotësisht të mbjellat e tyre./REL/
Lufta Prigozhin - Putin
Më shumëNga Rubrika
Ruajtja e shumicës shqiptare në Komunën e Bujanocit, tri parti lidhin koalicion paszgjedhor
Togerja e Policisë së Kosovës fiton çmim ndërkombëtar për shërbim në komunitet
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Togerja e Policisë së Kosovës fiton çmim ndërkombëtar për shërbim në komunitet
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Meta: Ambasadorin italian do ta kisha shpallur “non grata” në Shqipëri
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
Konkursi për gradimin e policëve, dyshohet për favorizime të familjarëve të eprorëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë