Maqedoni, coronavirusi është diagnostifikaur tek 18 fëmijë deri nëntë vjeç

Sipas statistikës së Institutit për shëndet publik, 18 fëmijë të moshës deri nëntë vjeç janë diagnostifikuar me koronavirus, tek të gjithë ata pasqyra klinike është e lehtë dhe nuk ka pasur nevojë për hospitalizim më të gjatë, informoi sot ministri i Shëndetësisë, Venko Filipçe, duke u përgjigjur në pyetjet e gazetarëve në konferencën e rregullt për shtyp.

Ministri, mes tjerash, informoi se në Klinikën gjinekologjike obstetrike po testohen të gjithë të cilët kanë simptome të koronavirusit.

“Ekziston rrugicë e plotë e izoluar për lehonat të cilat janë pozitive ndaj koronavirusit. Tërësisht janë pajisur mjekët dhe infermieret po testohen ata nga personeli të cilët kanë simptome”, tha Filipçe.

Lidhur me atë nëse ka pozitivë ndaj koronavirusit në Spitalin infektiv si rezultat i infektimit nga tekniku tek i cili është shfaqur test pozitiv i Korona-19 nga ai spital, ministri tha se të gjitha testet nga kolegët janë negativë dhe se po mendohet se infektimi u shkaktua jashtë vendit të punës për çka po bëhen anketa epidemiologjike. Informoi se klinika funksionon normalisht.

I pyetur nëse në Qeveri po mendohet për djegie të të vdekurve nga Kovid-19, Filipçe theksoi se për varrosjen e të vdekurve ekziston protokoll adekuat dhe nuk ka rrezik për të pranishmit në aktin e varrimit.