Maqedoni, banka “ProCredit” merr çmimin e ndërmarrjes më ekologjike

Sipas konkursit publik të Bashkisë së Shkupit për kompani përgjegjëse shoqërore, Banka ProCredit është zgjedhur si kompania më ekologjike që ka zbatuar me sukses standardet e brendshme dhe ka kontribuar për ruajtjen e ambientit jetësor.

Banka ProCredit në vazhdimësi zbaton masa për uljen negative në mjedisin jetësor, përmes sistemit të brendshëm për menaxhim me ambientin jetësor i certifikuar me ISO 14001.

Si pjesë e masave të ProCredit Bankës mund të përmenden:

– 66 përqind e flotës së bankës janë makina elektrike/hibride
– mbushës për makina elektrike në oborrin e Administratës Qendrore
– fabrikë e vet fotovoltaike për prodhimin e energjisë elektrike
– sistem për përzgjedhjen dhe riciklimin e mbeturinave
– përdorimi i pompave gjeotermike për ngrohje dhe ftohje në Administratën Qendrore
– edukim i vazhdueshëm i ngritjes së vetëdijes për mbrojtje të ambientit jetësor.

Përveç këtyre masave në punën e bankës, ProCredit po përpiqet edhe për kreditim të përgjegjshëm dhe vlerësim të rrezikut ndaj ambientit jetësor nga investimet që financohen dhe promovohen nga kreditimet ekologjike.

Deri tani ProCredit ka plasur rreth 80 milion euro në kreditë për ripërtëritjen e burimeve të energjisë, efikasitetit energjetik dhe projekteve për përmirësimin e ambientit jetësor. Më shumë detaje rreth eko-strategjisë së Bankës ProCredit, mund të gjeni në këtë link.