Manchester United thuhet se po tenton të transferojë Joao Felixin nga Atletico Madridi në afatin e ardhshëm kalimtar.

Sulmuesi portugez kaloi në verën e kaluar te Rojiblanco për shumën e 130 milionë eurove, mirëpo nuk ia ka arritur të përshtatet në La Liga.

Le10Sport raporton tani se Manchester Unitedi dëshiron të transferojë Felixin, që t’i ndjek hapat e Cristiano Ronaldos.

Talenti portugez është nën menaxhimin e agjentit Jorge Mendes që ka një raport shumë të mirë me Djajtë e Kuq.

Top 20 transferimet më të shtrenjta në histori të futbollit Top 20 transferimet më të shtrenjta në histori të futbollit

Agjenti po ashtu ka nën menaxhim edhe Bruno Fernandesin që aktualisht luan në Old Trafford, e që kaloi nga Sporting Lisbona.

Atletico Madridi mund të lejojë largimin e tij, mirëpo vetëm nëse pranon shumën e njëjtë që ka paguar te Benfica. /Telegrafi/