Macron: Vetëm një marrëveshje e mirë me Bullgarinë mund të konsolidojë perspektivën evropiane të Maqedonisë në BE
Parisi zyrtar, në cilësinë e kryesuesit të Bashkimit Evropian, i jep mbështetje të plotë një marrëveshjeje mes Shkupit dhe Sofjes që do të zhbllokojë perspektivën evropiane të vendit.
Bullgaria thotë se është e interesuar që kërkesat e saj të garantohen nëpërmjet procesit të pranimit dhe nuk do t’i nënshtrohet asnjë presioni të jashtëm kur bëhet fjalë për heqjen e vetos.
Për vendin, anëtarësimi në BE nuk ka alternativë tjetër ndaj dhe do të vazhdojë përpjekjet për të kapërcyer mosmarrëveshjet me Bullgarinë.
Presidenti francez Emanuel Macron dje pas bisedave telefonike me presidentin bullgar Rumen Radev dhe kryeministrin Dimitar Kovaçevski tha se është i gatshëm të takohet në Paris “kur të vijë koha” me autoritetet e Bullgarisë dhe Maqedonisë së Veriut për të përfunduar një marrëveshje dypalëshe, që do të mundësojë hapjen e negociatave për anëtarësimin e Maqedonisë së Veriut në BE.
Franca, e cila mban presidencën e BE-së deri më 1 korrik, “ka disa javë që mbështet kërkimin e zgjidhjes së kontestit mes dy vendeve”, kujton Pallati Elysee pas bisedimeve me presidentin bullgar Radev dhe kryeministrin Kovaçevski.
Gjatë bisedimeve, Emmanuel Macron shprehu “mbështetje të plotë për një marrëveshje midis dy vendeve, e cila do të kontribuojë në marrëdhëniet e mira fqinjësore dhe do të konsolidojë perspektivën evropiane të Maqedonisë së Veriut”.
Macron shprehu mbështetjen e plotë për një marrëveshje midis dy vendeve, si dhe respektimin e të drejtave themelore të qytetarëve që pretendojnë se i përkasin komuniteteve ose pakicave të tjera.
Sipas Pallatit Elysee, perspektiva evropiane e Republikës së Maqedonisë së Veriut ishte edhe temë e bisedës telefonike mes presidentit bullgar Radev dhe ndihmës sekretares shtetërore të SHBA-së për çështje evropiane dhe euroaziatike, Karen Donfried, njoftoi dje shërbimi për shtyp i presidentit bullgar.
Të dy e dënuan si të papranueshme djegien e qendrës kulturore “Ivan Mihajlov” në Manastir.
Sipas Radev, djegia e qendrës kulturore është bërë nga njerëz që po përpiqen të pengojnë procesin e integrimit evropian. Donfrid vlerësoi se qëllimi ishte minimi i procesit të negociatave mes Bullgarisë dhe Maqedonisë së Veriut.
Kryeministri bullgar Kiril Petkov, duke komentuar zhvillimin e marrëdhënieve mes Shkupit dhe Sofjes, tha dje se Bullgaria nuk do të bëjë asgjë nën presion për Maqedoninë e Veriut.
Petkov theksoi se Bullgaria po përpiqet të shikojë nëse kërkesat dhe nevojat e saj për mbështetje të bullgarëve në vend mund të garantohen përmes procesit evropian.
Lufta Prigozhin - Putin
Më shumë"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Kushtëzimi i Kosovës për në KiE, eurodeputeti gjerman, Butikofer: Gabim i keq i Qeverisë gjermane
Flet shqiptari që vrau gruan: Nuk pendohem, hante me paratë e mia dhe më tradhtonte
Rama i përgjigjet deklaratave të Vulin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë