Luana Vjollca zbulon traumat dhe rastet e përndjekjes që kanë lënë gjurmë në jetën e saj në pjesën e dytë të “Thuaje”

Luana Vjollca ka publikuar pjesën e dytë të projektit “Thuaje”.

Emocionale si kurrë më parë, e zhveshur nga çdo kompleks, ylli shqiptar po i drejtohet publikut me mesazhe të forta duke ndarë pjesë nga historitë e saj, histori jo të bukura por që kanë lënë gjurmë në jetën e saj dhe e kanë bërë të jetë kjo që është sot.

Pas temës së bullizmit që shkaktoi shumë bujë, pjesa e dytë flet për traumën.

Luana ka ndarë me publikun rastet e përndjekjes nga ata që ajo nuk deshi t’i quante fansa, duke zbuluar se ka qenë e përndjekur nga pesë persona.

E emocionuar dhe me fjalë që i dilnin nga shpirti ajo zbuloi njërin nga rastet më të vështira kur personi tentoi ta kapte me dhunë por arriti të shpëtojë.

Që nga ajo kohë ajo tha se nuk ka lëvizur asnjëherë pa mbrojtje pasi kjo ngjarje i ka shkaktuar frikë dhe traumë të madhe.

Mes tjerash ajo zbuloi që kjo frikë e ka lënë me ditë në shtrat e me lot, por është zgjuar për të vazhduar tutje.

Lexo po ashtu Luana Vjollca rikthehet me “Thuaje” dhe “Si njerëz”- synon ndërgjegjësimin ndaj bullizmit

Duke folur për rastin e saj ajo u ndal tek dhuna psikologjike dhe fizike që përjetojnë femrat dhe mesazhi i saj ishte i qartë: Ngrihuni dhe mos u dorëzoni dhe mos falni, një njeri që abuzon njëherë, ngelet abuzues gjithmonë.

Pas këtij rrëfimi ka pasuar edhe kënga tjetër me titullin “Trauma” ku trajtohet tema e dhunës fizike dhe asaj psikologjike që përjetojnë femrat.