Kombëtarja shqiptare do të luajë kundër Italisë në kuadër të eliminatoreve të botërorit Rusia 2018.

Takimi mes dy kombëtareve do të luhet nesër me fillim në ora 20:45 në stadiumin sicilian të Renzo Barberas së Palermos.

E pikërisht në këtë qytet, arbëreshët janë duke e pritur me interes të madh ndeshjen që kombëtarja shqiptare do të luajë ndaj Italisë, vendit ku ata kanë lindur dhe janë rritur.

Televizioni italian TGR ka bërë një reportazh në një nga qytetet e Sicilisë që është i banuar me shqiptarë dhe ka sjellë prej aty atmosferën e ndeshjes që ndihet jo pak. /Telegrafi/