Një punëtore e gjigantit teknologjik Google ka thyer rekordin në llogaritjen e numrit Pi, duke arritur të llogarisë versionin më të gjatë të këtij numri konstant matematikor.

Emma Haruka Iwao, e cila jeton në Japoni, ka kalkuluar një version prej 31 trilionë shifrash me ndihmën e 25 makinave llogaritëse virtuale Google Cloud me rastin e ditës botërore të këtij numri, që shënohet çdo 14 mars.

Siç raporton BBC, përcjell Telegrafi, Iwao e ka përfunduar llogaritjen brenda 121 ditëve, ndërsa gjatë procesit janë nevojitur të dhëna në madhësi prej 170 terrabajtësh.

Emma Haruka Iwao

“Jam shumë e habitur. Ende po përpiqem të mësohem me këtë të vërtetë. Vërtet ishte vështirë të thyhet rekordi botëror”, ka thënë Iwao, duke theksuar se që nga fëmijëria ka qenë e ndikuar nga numri Pi dhe ka shtuar se nuk ka një fund në numrin Pi dhe se dëshiron të çojë tutje rekordin.

Siç thuhet, do të duheshin 332 mijë e 064 vite për ta artikuluar këtë numër prej 31 trilionë shifrash me fjalë.

Disa kuriozitete mbi numrin ‘Pi’ Disa kuriozitete mbi numrin ‘Pi’

Deri më tani rekordi përbëhej prej 22 trilionë shifrash.

Numri konstant matematikor Pi, fitohet duke pjesëtuar perimetrin e një rrethi me diametrin e tij, përdoret në fusha si inxhinieria, fizika, superkompjuterët dhe hulumtimet hapësinore. /Telegrafi/