Liria e Prizrenit nuk po ndalet me përforcime serioze para fillimit të sezonit të ri.

Trajneri i ri Bledi Shkëmbi seriozisht i ka hyrë garës për të përforcuar kualitetin e skuadrës së tij.

Sipas “Sport Ekspres” është Elton Basriu ai që ka firmosur me Lirinë dhe pritet të prezantohet te skuara prizrenase.

Mbrojtësi nga Elbasani ka përvojë të madhe në superligën shqiptare.

Ai ishte pjesë e Kamzës në edicionin e fundit dhe ishte shtyllë e mbrojtjes duke kontribuar në ngritjen e ekipit në eiltën e futbollit shqiptar.

Pas Endri Vrapit, Jetmir Sefas, Kristi Kotes dhe Artur Maganit, Basriu është përforcimi i radhës i Lirisë.

/Telegrafi/