Leutrim Gërvalla, djaloshi i verbër nga Deçani që impresionoi jurinë e “Albanian Star” (Video)

Spektakli “Abanian Star” po vazhdon të kërkojë talente të reja, të cilat pritet të trajnohen në një spektakël garues, ku do të këndohet vetëm shqip.

Në fazën e parë të konkurrimit janë prezantuar shumë konkurrentë, gjersa në puntatën e funditi shte radha e një konkurrenti tjetër shumë të veçantë, shkruan Telegrafi.

Bëhet fjalë për Leutrim Gërvallën nga Deçani, djaloshit të cilit jeta mund të mos i ketë dhënë shikimin, por i ka dhënë talentin në muzikë.

Ai performoi para anëtarëve të jurisë një kolazh këngësh popullore në mënyrë korrekte, gjersa edhe për këtë mori vlerësimin e duhur.

Shumë nga anëtarët e jurisë o dhanë një “Po” për në fazën e ardhshme duke mos dashur të komentojnë më shumë mbi interpretimin, pasi gjithçka sipas tyre ishte korrekt.

Ndërsa, Elizabeta Qarri, njëra nga anëtaret e jurisë vendosi të flasë, duke kujtuar se ajo dhe Leutrimi janë takuar edhe më parë në një spektakël të këtij lloji, atëherë kur Leutrimi ishte i vogël dhe e quante “teta Elizabeta”.

Në atë kohë, Gërvalla kishte pasur mjaft sukses duke arritur deri në gjysmëfinale, teksa të njëjtën gjë e bëri edhe sot, duke arritur të marrë të gjitha përshtypjet e mira nga anëtarët e tjerë të jurisë, dhe konfirmimin që kalon në fazën tjetër.

Shfaqja në fjalë ka emocionuar në masë të madhe edhe telespektatorët. /Telegrafi/