Lëndohen dhjetëra persona, kur autobusi dykatësh ndeshet me urën

Kjo ka bërë që 17 udhëtarët që gjendeshin në pjesën e sipërme të autobusit, të marrin lëndime të konsiderueshme - dy prej tyre, lëndime serioze.

Përplasja e autobusit me urën, ka ardhur pasi shoferi e ka ndryshuar rutinën e përditshme dhe ka kaluar poshtë urës, pa e llogaritur mirë lartësinë.

“Nuk e përjeton çdo ditë të ndeshesh me ndonjë urë, prandaj ishte ngjarja më e frikshme e jetës sime” ka thënë një udhëtare, e cila shfrytëzon gjithnjë atë linjë.

“U befasova kur pashë se po kalojmë nëpër një rrugë tjetër, por nuk reagova, derisa ndodhi përplasja”. /Telegrafi/