Los Angeles Lakers janë rikthyer te fitorja në NBA pas dy humbjeve të njëpasnjëshme.

Kampioni në fuqi i NBA-së ka marrë fitore në TD Garden përballë rivalëve të tyre më të mëdhenj, Boston Celtics.

Pas 48 minutave të zjarrta, në fund Lakers triumfuan me një pikë diferencë, 95:96.

Anthony Davis ishte fantastik në këtë takim me 27 pikë, 14 kërcime e dy asistime.

Ndërkohë basketbollisti më i mirë në NBA, LeBron James shtoi 21 pikë, shtatë kërcime e shtatë asistime.

Me pikë dyshifrore tek skuadra fituese e mbyllën ndeshjen edhe Montrezl Harell (16), Dennis Schroder (12) dhe Kyle Kuzma me 11 pikë.

Tek vendasit Jayson Tatum me 30 pikë dhe Jaylen Brown me 28 të tjera ishin më efikasit, por që nuk i mjaftuan për fitore.

Përkundër fitores ndaj Celtics, Lakers mbesin në vendin e tretë në Konferencën e Perëndimit me 15 fitore e gjashtë disfata, derisa Boston është në vendin e pestë në Lindje me 10 fitore e tetë humbje. /Telegrafi/
Rezultatet:

Charlotte Hornets – Milwaukee Bucks 126:114

Chicago Bulls – Portland Trail Blazers 122:123
Miami Heat – Sacramento Kings 105:104
New Orleans Pelicans – Houston Rockets 112:126

Boston Celtics – LA Lakers 95:96

Dallas Mavericks – Phoenix Suns 105:111

San Antonio Spurs – Memphis Grizzlies 112:129
Golden State Warriors – Detroit Pistons 118:91