Joga ndihmon për të ruajtur shëndetin e trupit të njeriut dhe për të bashkuar trupin, mendjen dhe shpirtin në një tërësi.

Megjithatë, kjo praktikë e dobishme nuk këshillohet për të gjithë…

Njerëzit me presion të lartë të gjakut shpesh këshillohen të praktikojnë aktivitete relaksuese, por jo të gjitha teknikat janë të përshtatshme për njerëzit me hipertension, paralajmërojnë kardiologët, duke shtuar se kjo vlen edhe për disa lloje të jogës.

Pikërisht, llojet e jogës që kërkojnë një qëndrim më të gjatë në të njëjtin pozicion, si dhe ato në të cilat shpesh bëhen pozicione të përmbysura, mund të rrisin presionin e gjakut, sipas hulumtimit nga revista shkencore Herz Heute.

Nëse presioni juaj i gjakut është i ngritur dhe ju doni të ushtroni joga, më mirë është të zgjidhni një stil më dinamik si ‘yoga hatha’. /Telegrafi/