Përzgjedhësi i përfaqësueses së Kosovës, Bernard Challandes ka bërë publike listën e futbollistëve për dy ndeshjet e qershorit në kuadër të kualifikimeve për Euro 2020.

“Dardanët” fillimisht do të takohen me Malin e Zi, më 7 qershor në stadiumin e kryeqytetit në Podgoricë, ndërsa tri ditë më vonë, futbollistët tanë do të udhëtojnë drejt Sofjes, ku do të takohen me kombëtaren e Bullgarisë.

Florent Hadergjonaj, Ylldren Ibrahimaj dhe Ibrahim Dresheviq janë lojtarë të rinj që për herë të parë do të kenë mundësinë që të veshin fanellën e Kosovës.

Challandes publikon listën e futbollistëve për ndeshjet kundër Malit të Zi dhe Bullgarisë, ka disa lojtarë të rinj Challandes publikon listën e futbollistëve për ndeshjet kundër Malit të Zi dhe Bullgarisë, ka disa lojtarë të rinj

Pasi mbrojtësi i krahut Florent Hadergjonaj, është më i njohur pas ka bërë karrierë në Bundeliga dhe Ligën Premier.

Ai ka luajtur për klube të njohura si Young Boys, Ingolstadt 04 dhe tani është pjesë e Huddersfield Town.

Por të njihemi më shumë me dyshen e re, Ylldren Ibrahimaj dhe Ibrahim Dresheviq.


Ibrahim Dresheviq  (Dreshaj)

Ibrahim Dresheviq  apo Dreshaj është shqiptar i Malit të Zi, i lindur në Suedi.

Luan si qendërmbrojtës dhe është vetëm 22 vjeç.

Karrierën e ka nisur në Suedi te Norrby si fëmijë, pastaj ka kaluar te Elfsborg, ku ka debutuar në ekipin e parë.

Aktualisht pjesë e klubit të njohur holandez Heerenven.

Ka luajtur për Suedinë U-17 dhe U-19.


Ylldren Ibrahimaj

Ylldren Ibrahimaj është mesfushor 23 vjeç. Ai ka lindur në Arendal të Norvegjisë.

Karrierën e ka nisur te akademia IK Grane për ta kaluar më pas Arendal në futbollin profesionist.

Ibrahimaj aktualisht është pjesë e ekipit Viking që bën gara në Divisionin e Parë në Norvegji.

Në 14 ndeshjet e fundit ka realizuar katër gola.

Ai ka ardhur për të mbuluar mungesën e madhe të Hekuran Kryeziut. /Telegrafi/