Kryeministri i Kosovës, Albin Kurti ndodhet për një vizitë në Estoni, ndërkaq nga atje duke folur për çështjen e targave tha se Qeveria e Kosovës është duke bërë çmos për ta mbrojtur ligjshmërinë dhe kushtetutshmërinë e vendit.
Kurti në një konferencë për media me kryeministren e Estonisë, Kaja Kallas ka thënë se është optimist megjithëse qasja e Beogradit ka qenë shumë destruktive.
“…Jemi duke bërë çmos për ta mbrojtur ligjshmërinë dhe kushtetutshmërinë e vendit tonë nga njëra anë dhe paqen e sigurinë nga ana tjetër. Unë jam optimist por qasja e Beogradit ka qenë shumë destruktive. Në ditët e ardhshme do të shohim se sa të suksesshëm do të jemi në këto negociata të reja. Ne kemi nevojë për marrëveshje përfundimtare me Serbinë, për normalizim të marrëdhënieve me njohje reciproke”, është shprehur Kurti.
Ai tha më tej se zëvendëskryeministri Besnik Bislimi është në komunikime të rregullta dhe intensive me Brukselin lidhur me këtë çështje.
“Janë rreth 9 mijë vetura me targa ilegale serbe. Kjo është më pak se 10 për qind të veturave që serbët në Kosovë kanë dhe është një pakicë ekstreme brenda shumicës serbe që po refuzojnë këto targa”, ka theksuar ai.
Kryeministri Kurti është pyetur edhe rreth asaj se sa është i kënaqur me punën e Dhomave të Specializuara të Kosovës në Hagë.
Kreu i ekzekutivit të vendit tha se në ish-Jugosllavi janë vrarë rreth 150 mijë joserbë, kroatë, boshnjakë dhe shqiptarë, ndërkaq për fat të keq në Serbi as 150 njerëz për këtë nuk kanë shkuar prapa grilave.
Sipas tij, vendet demokratike nuk mund të mbështeten vetëm në gjykatat e një vendi të vetëm dhe për këtë arsye tribunalet ndërkombëtare janë të nevojshme.
“Vetëm në vendin tim, në Kosovë 10 mijë civilë të paarmatosur janë vrarë. Prej tyre 10 për qind fëmijë, janë dhunuar shumë femra, 120 mijë shtëpi janë shkatërruar ose djegur. 860 mijë refugjatë është dashur të ikin për shkak të gjenocidit të Serbisë dhe nuk ndjejmë që drejtësia është përmbushur”, ka thënë Kurti.
Ai tha se pajtimi dhe paqja e qëndrueshme pa drejtësi nuk mund të arrihen, ndërsa shtoi se duhet të ketë një Tribunal ndërkombëtar edhe për viktimat e invazionit rus.
Ndërkaq, kryeministrja estoneze Kaja Kallas ka përgëzuar shtetin e Kosovës për qëndrimin e saj në raport me agresionin rus në Ukrainë.
Ajo tha se marrëdhëniet mes Estonisë dhe Kosovës janë shumë të mira dhe më të ngushta se që kanë qenë.
Kryeministrja estoneze shtoi më tej se Kosova ka mbështetjen e plotë të shtetit të saj në proceset euroatlantike. /Telegrafi/
Lufta Prigozhin - Putin
Më shumëNga Rubrika
Xhaferi: Respektimi i të drejtave të punës, prioritet për Maqedoninë e Veriut në rrugën drejt BE-së
Rekomandohet shpejtësi e rregulluar gjatë udhëtimit për shkak të rrëshqitjeve të mundshme të dheut në RMV
Çmimi i drithit të importuar në Shqipëri ulet me 42 për qind në mars, por buka nuk ndryshon
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
90 milionë euro për rrugën drejt BE-së, ambasadori gjerman: Përkushtim i fortë për integrimin evropian të Kosovës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
Humbi kujtesën nga rrahja, vrasësi shqiptar vdes pas tetë vitesh në spitalin e burgut të Parmës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës