Këtë mesazh zemre ua drejtoj kryesisht vajzave të reja, të cilave ua mirëkuptoj etjen që kanë për t’u kapur fort pas një modeli, ku u duket se gjejnë vetveten.
Sa herë që më thonë fjalë të tilla si: “Jam krenare me ty”, “Je shembull”, “Je model për t’u ndjekur” etj., një siklet i papërshkrueshëm ma mbështjell brendinë.
Sado të bukura të duken për dikën këto fraza, mua më kallin datën, më shkaktojnë të dridhura trupi e më fusin në një gjendje alarmi. Kjo për shkak se ato më mveshin disa lavde që s’i meritoj, disa përgjegjësi që s’i mbaj dot mbi shpinë dhe një tufë perfeksionesh imagjinare, që s’i përfaqësoj dot askund.
Jo, e dashur, unë s’jam shembull për askënd.
Nuk përfaqësoj asnjë, veç vetes.
Nuk jam model për t’u ndjekur prej askujt.
Asnjë nga ato që ti kujton se është, nuk është në të vërtetë.
E dashur, çdonjëri prej nesh, çdo shpirt, ka anët e tij të bukura, ka cilësi të mrekullueshme, që ti do të doje t’ia bëje vetes dhuratë. Këtë mund ta bësh. S’ka asgjë të keqe.
Mund t’i përvetësosh ato cilësi e t’ia vësh si gjerdan shpirtit tënd, ama kurrë mos syno të bëhesh si njeriu prej të cilit i mësove.
Kur bën dikë tjetër model të vetes sate, ti e ngre atë në piedestal, e mbulon me një tis shenjtërie dhe i jep trajtë “idhulli”. E kur i jep trajtë “idhulli”, ti e ke zhveshur atë nga njerëzorja e tij.
Pas kësaj, ti tashmë ke harruar se ai modeli që ke vënë në fronin tënd të artë, ka të metat e tij të shumta. Ka cenet e tij. Ke harruar se ai është rrënjësisht dhe ekskluzivisht njerëzor.
Sigurisht, të metat nuk e bëjnë atë të keq. E bëjnë thjesht si ti.
Tani pyete pak veten: A e ke të nevojshme që të vësh dikë me cene e me plot të meta si vetja jote, në piedestalin tënd? Ta bësh atë synim? Model të fundëm? A ke vërtet nevojë për këtë?!
Gjatë dekadave të frymimit tim mbi këtë tokë, kam rendur edhe vetë disa herë pas modeleve të caktuara. Por, në fund kam përfunduar e zhgënjyer.
Tashmë e di se për zhgënjimin tim nuk patën faj modelet që synoja, por pritshmëritë dhe imazhi i përtejbotshëm që unë kisha ngritur në mendjen time për ta.
Përgjatë çapitjes që ti bën për të arritur modelin e preferuar, je përherë në një rrezik të vazhdueshëm: atë të humbjes së vetvetes.
Duke u përpjekur për t’u bërë me çdo kusht ajo çka s’je, rrezikon të humbasësh edhe atë çka je.
E dashur,
Thellë brenda teje gjendet një rrugë që të pret ta përshkosh. Të pret me padurim. Është rruga jote. Vetëm e jotja.
Mirë, nëse të duhen forca, energji e mësime nga modelet e nga bota, ti mirëpriti, hapjua krahët, por në fund duhet të bësh vetëm rrugën tënde, jo të tyren.
Modelin tënd ëndërroje, ideoje, vizatoje dhe ndërtoje vetë.
Bëje këtë, duke qenë e bindur se askush s’mund të të bëhet model më i mirë për shpirtin, sesa shtëpiza që ai vetë zgjodhi për strehë: vetja jote.
Promo
Reklamo këtuLufta Prigozhin - Putin
Më shumëNotat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Ke gabuar gjatë gjithë jetës: Një i ri tregoi se si hahen ëmbëlsirat Tic Tac, njerëzit janë të shokuar
Parashikimi i 'çmendur' i Jose Mourinhos për fundin e Ligës Premier po del i saktë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Deputetët e shteteve që votuan kundër anëtarësimit të Kosovës në KiE
Xavi e tepron me fjalët që ia ka thënë gjyqtarit pas eliminimit të Barcelonës nga Liga e Kampionëve
“Dashuria e madhe ndaj Edit ia mori jetën, vajzat e panë të gjakosur”, flet familjarja e gruas që u vra në Pejë nga bashkëshorti
Reagon më në fund Akil Gjakova
Parashikimi i 'çmendur' i Jose Mourinhos për fundin e Ligës Premier po del i saktë
Avokati serb ironizon me presidentët serbë, tregon ku ikën ata kur Kosova shpalli pavarësinë dhe sot kur u votua për anëtarësim në KiE