Kurani sërish digjet në Suedi

Një kopje e Kuranit është përdhosur në kryeqytetin suedez pasi dy burra shkelmuan librin e shenjtë mysliman dhe dogjën disa nga faqet përpara parlamentit në mes të një pranie të madhe policie.

Incidenti i së hënës shënoi herën e dytë brenda pak javësh që Salwan Momika, 37 vjeç dhe Salwan Najem, 48 vjeç, kanë djegur Kuranin, një akt i lejuar sipas ligjeve suedeze për lirinë e fjalës.

Megjithatë, dyshja u përballën me reagimin e një grupi aktivistësh suedezë, të cilët u kërkuan të ndalonin aktin provokues.

Policia, duke mbrojtur sulmuesit, arrestoi një nga aktivistët, i cili lëvizi për të penguar sulmin, raporton aljazeera.

Lexo po ashtu Pse Suedia dhe Danimarka kanë krizë në lidhje me Kuranin?

Momika, i cili dëshiron që feja islame të ndalohet në Suedi, tha se do të vazhdojë veprimet derisa të ndodhë kjo.

Ndryshe, Momika edhe më parë ka djegur Kuranin nën mbrojtjen e policisë para xhamisë së Stokholmit më 28 qershor, që përkonte me ditën e parë të Kurban Bajramit, festës së myslimanëve. /Telegrafi/

Swedish police once again protected the Quran burner Salwan Momika by arresting a man who tried to stop him from desecrating our Holy Book.

Momika chanted anti-Islam slogans before stepping on and eventually burning the Quran in front of the Swedish parliament in Stockholm… pic.twitter.com/j4OmEicmzt

— 5Pillars (@5Pillarsuk) August 14, 2023