Në muajt e fundit, kundërshtarët e Islamit në Suedi dhe Danimarkë kanë djegur dhe dëmtuar disa kopje të librit të shenjtë të Kuranit, duke shkaktuar zemërim në mesin e myslimanëve në mbarë botën, të cilët kërkojnë që vendet skandinave të ndalojnë një sjellje të tillë.
Të dy qeveritë e kanë dënuar djegien dhe thanë se po shqyrtojnë mundësitë e sjelljes së ligjeve të reja për ta ndaluar atë.
Por, kritikët vendas thonë se liria e fjalës dhe e shprehjes mbrohet nga kushtetutat e tyre dhe se çdo lëvizje për ndryshim do të minonte liritë e çmuara.
Pse?
Kush dhe pse po digjet Kurani?
Të paktën tre aksione për djegien e Kuranit në Suedi u drejtuan nga Salwan Momika, refugjat nga Iraku, i cili thotë se dëshiron të protestojë kundër institucionit të Islamit dhe të ndalojë librin e shenjtë të Kuranit, raporton evropaelire.
Në kohën e protestave të tij, një grup i ekstremit të djathtë i quajtur “Patriotët Danez” organizoi demonstrata anti-myslimane në Danimarkë, duke pohuar se ishin kundër asaj që ata e quanin “islamizimin” e shoqërive nordike.
Të paktën dhjetë libra të Kuranit janë djegur në Danimarkë gjatë javëve të fundit, transmeton Telegrafi.
Aktivisti ultra i djathtë danezo-suedez, Rasmus Paludan, i cili qëndron pas djegieve sporadike të Kuranit që nga viti 2017, gjatë këtij viti dogji librin e shenjtë në të dyja vendet dhe deklaroi se ishte i zemëruar sepse Turqia kundërshton pranimin e Suedisë në NATO.
Pse djegiet shkaktuan një zemërim të tillë?
Myslimanët e shohin djegien e qëllimshme të Kuranit si blasfemi dhe fyerje, sepse ata e konsiderojnë librin e shenjtë islamik si fjalë të mirëfilltë të Allahut.
Përdhosja e Kuranit konsiderohet një vepër e rëndë që meriton dënim të ashpër.
Myslimanët besojnë se Kurani është fjala e Zotit që zbriti tek Profeti Muhamed përmes engjëllit Xhibril.
Myslimanët e trajtojnë me shumë respekt Kuranin. Në traditën myslimane, një besimtar duhet të pastrohet para se ta prek atë. Kurani nuk duhet të vendoset në dysheme dhe asgjë nuk duhet të vendoset mbi të.
Cili është thelbi i problemit në Suedi dhe Danimarkë?
Danimarka dhe Suedia janë ndër vendet më laike dhe liberale në botë. Ato lejojnë që religjionet të kritikohen edhe publikisht.
Politikanët nga i gjithë spektri politik në Danimarkë thonë se një ndalim i drejtpërdrejtë do t’ua rrezikonte lirinë e shprehjes qytetarëve, të cilën ua garanton kushtetuta.
“Unë kurrë nuk do të digjja libra, por do të luftoj që njerëzit e tjerë të kenë të drejtë ta bënë një gjë të tillë”, tha deputetja daneze, Susie Jessen për reuters.
Çfarë po bëjnë tani Danimarka dhe Suedia?
Suedia dhe Danimarka thonë se po kërkojnë mënyra të ndryshme për të kufizuar djegien e Kuranit dhe për të lehtësuar tensionet me vendet myslimane.
Të dyja vendet tashmë janë përballur me një hakmarrje të ndryshme.
Në muajin korrik, një turmë e zemëruar sulmoi ambasadën suedeze në Bagdad. Gjithashtu, të dy shtetet deklarojnë se përballen me rreziqe të shtuara të sigurisë.
Ambasadorët e tyre në të gjithë Lindjen e Mesme u thirrën për të dëgjuar kritikat e vendeve mikpritëse dhe u paralajmëruan për djegien e Kuranit.
Presidenti turk, Recep Tayyip Erdogan tha se do të punojë për të miratuar kërkesën e Suedisë për anëtarësim në NATO, por gjithashtu paralajmëroi se kjo nuk do të ndodhë për sa kohë që djegia e Kuranit të vazhdojë në Suedi.
Si mund ta zgjidhin problemin ligjërisht Danimarka dhe Suedia?
Qeveritë e Danimarkës dhe Suedisë deklarojnë se liria e fjalës tashmë është disi e kufizuar, sepse është e paligjshme të ofendosh dikë në bazë të përkatësisë etnike ose fetare.
Por, në asnjërën prej këtyre dyja vendeve nuk ka ligje që do ta ndalonin djegien e Kuranit. Suedia shfuqizoi ligjin e blasfemisë në vitin 1970 dhe Danimarka në 2017.
Në Suedi, leja lëshohet për demonstrata, por kërkesa mund të refuzohet vetëm nëse rrezikohet siguria publike e vendit ku është planifikuar të zhvillohet protesta.
Në Danimarkë, qytetarët vetëm duhet ta informojnë policinë se do të zhvillojnë një protestë.
Qeveria suedeze po përpiqet të gjejë një mënyrë për të modifikuar ligjet e rendit publik.
Por, ajo përjashtoi mundësinë që djegia e teksteve të shenjta të jetë e paligjshme.
Qeveria daneze njoftoi në fillim të gushtit se do të kërkonte “mjete ligjore” që do t’i lejonin autoritetet të ndërhynin në protesta të tilla nëse ato sjellin “pasoja të rëndësishme negative për Danimarkën, jo vetëm në aspektin e sigurisë”. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Shoferi ‘harroi frenin e dorës’, rreth 30 të lënduar pasi një furgon akulloresh ‘fshiu përpara’ një turmë fëmijësh në një festival në Kirgistan
Gruaja britanike ‘mbeti pa fjalë’ pasi gjeti unazën e fejesës të cilën e kishte humbur 54 vjet më parë
Turqia ndalon të gjithë tregtinë me Izraelin për shkak të luftës në Gaza - vjen reagimi i Tel Avivit
Ndërpriten mijëra fluturime - Rusia akuzohet se po ndërhyn në sistemet e navigimit të aeroplanëve në Evropë
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Lufta në Ukrainë nuk duket se do të përfundojë së shpejti – paralajmëron shefja e inteligjencës kombëtare amerikane
Macron tregon se në çfarë rrethana do të dërgonte trupa në Ukrainë
Zelensky tregon se kush janë ftuar në samitin e paqes në Zvicër
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit