Kur fillon pasioni, datëlindja është gjëja e fundit në mendjen tonë: Një ndryshim i madh në moshë mund të jetë i dobishëm

E gjeni dot në ç’përfundim doli ky studim për lidhjet ku gruaja është më e madhe se ai në moshë?

Marrëdhëniet në të cilat një grua ka një partner mashkull dukshëm më të ri, kanë tërhequr shumë vëmendjen e mediave gjatë viteve.

E mbani mend se çfarë lajmi i madh ishte kur Demi Moore u martua me Ashton Kutcher, i cili ishte 15 vjet më i ri se ajo? Apo ndoshta ju kujtohet fiksimi i mediave ndërkombëtare që rrethon marrëdhënien mes presidentit francez Emmanuel Macron dhe bashkëshortes së tij Brigitte, e cila është 24 vite më e madhe se ai?

Kohët e fundit mund të keni dëgjuar për reality show-n MILF Manor, ku djem të rinj do të dalin me mamatë e njëri-tjetrit.

Kjo vëmendje kaq e madhe, zakonisht nuk zbatohet në marrëdhëniet ku burrat janë më të mëdhenj në moshë.

Standardi i dyfishtë i hendekut të moshës

Hulumtimet zbulojnë se njerëzit janë më shumë mosmiratues për çiftet me diferencë moshe mashkull-femër kur partneri më i vjetër është grua. Në këto raste, janë përsëri gratë ato që gjykohen më shumë.

Në dritën e këtij standardi të dyfishtë dhe mosmiratimit social, çfarë na thotë hulumtimi për cilësinë e marrëdhënieve të grave në lidhje me burra më të rinj?

Në një studim me 200 gra, ajo që u zbulua ishte se gratë që ishin më shumë se 10 vjet më të mëdha se partnerët e tyre meshkuj ishin në fakt më të kënaqurat dhe më të përkushtuarat ndaj marrëdhënieve të tyre, krahasuar me gratë që ishin më të reja se partnerët e tyre, si dhe me gratë, partnerët e të cilave ishin të afërt në moshë.

Me fjalë të tjera, pavarësisht stigmës, gratë në këto marrëdhënie dukej se lulëzonin.

Pse ndodh kështu?

Pse gratë e moshuara ishin më të kënaqura? Ka disa mundësi. Për shembull, mund të ndodhë sepse kur gruaja është më e madhe, kjo e zhvendos dinamikën e pushtetit drejt një barazie. Barazia më e madhe në një marrëdhënie tenton t’i bëjë çiftet më të lumtur.

Përveç barazisë, lumturia mund të lidhet edhe me një pozitë më dominuese dhe të fuqishme për gratë. Kjo mund t’i bëjë gjërat interesante edhe në dhomën e gjumit, citon Anabel.

Shkurtimisht, rezultatet e studimit sugjerojnë se ndërsa çiftet me diferencë moshe mund të përballen me shumë rezistencë sociale, kjo nuk i pengon domosdoshmërisht që të zhvillojnë marrëdhënie të forta dhe shumë të kënaqshme. /Telegrafi/