Ku po luftojnë forcat ruse dhe ukrainase?

Agresioni i Rusisë në Ukrainë ka hyrë në ditën e gjashtë.

Ja një vështrim në zonat ku janë parë luftime të ashpra midis forcave ruse dhe ukrainase.

Një nga qendrat kryesore të luftimeve ka qenë qyteti i dytë i Kharkiv, i cili mbetet nën kontrollin e Ukrainës, pavarësisht se është nën sulme të fuqishme, shkruan Sky News, përcjell Telegrafi.

Një ndërtesë e administratës rajonale është goditur nga një shpërthim i madh dhe ka pasur raportime për granatimin e qytetit nga forcat ruse gjatë natës.

Në Brovary, në periferi të Kievit, një sulm ajror la të shkatërruar një bazë ajrore ushtarake.

Ka pasur raporte se më shumë se 70 ushtarë ukrainas janë vrarë pasi artileria ruse goditi një bazë ushtarake në qytetin Okhtyrka, e cila ndodhet rreth 60 milje larg kryeqytetit.

Pamjet tregojnë gjithashtu dëme në qytetin verior të Chernihiv. Ministria e Urgjencës e Ukrainës ka pretenduar se bombardimet goditën një ndërtesë banimi, një ndërtesë tregu dhe një kopsht fëmijësh.

Ndërkohë, në jug të Ukrainës, presidenti Volodymyr Zelenskyy ka thënë se qyteti port i Mariupolit po i reziston ende agresionit të Rusisë dhe është nën kontrollin e Ukrainës. /Telegrafi/