Kryetari Agim Ademi është pritur sot nga presidenti i Federatës së Futbollit të Turqisë, Nihat Ozdemir. Pjesë e këtij takimi nga FFK ishin edhe nënkryetari Bakir Burri, anëtari i KE-s, Xhelal Broja dhe sekretari i përgjithshëm Eroll Salihu, derisa nga federata turke nënkryetarët Servet Yardimci, Yilmaz Buyukaydin dhe sekretari i përgjithshëm, Kadir Kardas.
Me këtë rast është nënshkruar Memorandumi i Bashkëpunimit që synon të forcojë edhe më shumë marrëdhëniet ndërmjet dy federatave si dhe ofron bashkëpunime në shumë projekte të përbashkëta.
Të dy presidentët nëpërmjet këtij memorandumi u dakorduan për shkëmbim të përvojave dhe thellim të bashkëpunimit. Ky memorandum parasheh shkuarjen e ekipeve zinxhir të kombëtares për kampe në Turqi, pastaj bashkëpunimin për ngritjen e futbollit të femrave, duke pasur parasysh se të dyja vendet jemi po thuajse në të njëjtin nivel. Në këtë segment parashihet që ekipet tona të shkojnë në kampingje në Turqi, në kohën kur përfundojnë garat, për shkak të kushteve më të mira atmosferike.
Përkrahja e Federatës Turke për sistemin VAR zë vend të rëndësishëm në këtë memorandum, duke pasur parasysh se Turqia në këtë aspekt ka avancuar shumë. Presidenti Ozdemir u zotua që do të ndihmojë teknikisht dhe profesionalisht FFK-në në këtë drejtim. Në këtë pikë parashihet që gjyqtarët tanë të shkojnë për seminare në Turqi, por njëherësh edhe ekspertët turq do të vijnë në Kosovë për të ndihmuar në implementimin sa më të mirë të sistemit VAR.
Pjesë e këtij memorandumi është zotimi i presidentit Ozdemir për ndërtimin e një fushe stërvitore për fëmijët me nevoja të veçanta, investim ky i përbashkët, me qëllim të zhvillimit të garave në formë turneu për këtë komunitet.
Gjithashtu krerët e të dyja federatave u dakorduan për zhvillimin e një miqësoreje ndërmjet dy kombëtareve tona në Stamboll, por e cila do të zhvillohet pas pandemisë. Kjo për shkak të interesimit të madh të tifozëve për një ndeshje të tillë, duke pasur parasysh edhe numrin e madh të shqiptarëve që jetojnë në Turqi.
Në këtë takim u diskutua edhe për gjetjen e mundësive për t’i ndihmuar klubet tona që të jenë sa më shumë të pranishme në kampet e Antalisë, ku shumica e klubeve të Evropës juglindore i kryejnë përgatitjet gjatë verës dhe dimrit.
Gjatë këtij takimi presidenti Ozdemir, i cili është mik i madh i Kosovës dhe njëherësh pronar i kompanisë KEDS që operon në Kosovë dhe që është një nga sponsorët e FFK-së, lavdëroi punën dhe afërsinë e presidentit Ademi dhe ekipit të tij, teksa i ofroi mbështetjen e tij të përhershme dhe të federatës turke, duke theksuar se FFK dhe Kosova si shtet kanë një tretman të veçantë.
Ndërkaq, presidenti Agim Ademi e falënderoj presidentin Ozdemir për mikpritjen e ngrohtë dhe drekën e shtruar për delegacionin e FFK-së, teksa nënshkrimin e memorandumit e vlerësoi si një dëshmi të miqësisë së gjatë dhe të përhershme të dy federatave dhe shteteve tona. Në fund u shkëmbyen edhe dhurata ndërmjet krerëve të dy federatave.
Më herët FFK ka nënshkruar memorandume bashkëpunimi edhe me Shqipërinë, Gjermaninë dhe Katarin, derisa memorandume të tilla janë paraparë edhe me vendet skandinave: Suedinë, Danimarkën dhe Norvegjinë, por që nuk janë realizuar ende shkaku i pandemisë. Gjithsesi, FFK do të vazhdojë me krijimin e një politike të tillë afruese dhe të bashkëpunimit me të gjitha federatat që e kanë përkrahur para, gjatë dhe pas pranimit në UEFA e FIFA.
Promo
Reklamo këtuLufta Prigozhin - Putin
Më shumëNga Rubrika
Çfarë thonë te Real Madridi tani që Mbappe ka njoftuar largimin e tij nga PSG?
Bayern Munich e ka gjetur trajnerin e ri, Flick rikthehet dhe për ndihmës do ta ketë legjendën gjermane
Como është ngjitur në Serie A pas 21 vitesh, Fabregas dhe Henyr kanë arsye për festë
Como është ngjitur në Serie A pas 21 vitesh, Fabregas dhe Henyr kanë arsye për festë
Mësohet arsyeja pse nuk ndërhyri VAR-i te goli i anuluar i Bayern Munichut ndaj Real Madridit
"Deri dje, nuk isha i sigurt se kush ishte lojtari më i mirë në botë, tani e di" - De Ligt me fjalë të mëdha për yllin e Realit
Bayern Munich e ka gjetur trajnerin e ri, Flick rikthehet dhe për ndihmës do ta ketë legjendën gjermane
Largimi i Kylian Mbappe liron 225 milionë euro për PSG-në, një 'pjesë e konsiderueshme' do të investohet te ylli i Serie A
Detaji në mesazhin lamtumirës të Kylian Mbappes, ai nuk e përshëndeti njeriun kryesor që e solli te PSG
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Kurti fton në takim liderët e tri partive opozitare, tregon për çka do të bisedojnë
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron
Bayern Munich e ka gjetur trajnerin e ri, Flick rikthehet dhe për ndihmës do ta ketë legjendën gjermane
“Podcasti me Afronën është keqkuptuar, ndjenjat e mia i përkasin ‘bebes’” – Befason Blero me reagimin
Largimi i Kylian Mbappe liron 225 milionë euro për PSG-në, një 'pjesë e konsiderueshme' do të investohet te ylli i Serie A
Como është ngjitur në Serie A pas 21 vitesh, Fabregas dhe Henyr kanë arsye për festë