Kryeministrja finlandeze Sanna Marin, thotë se është e bindur se ekziston mbështetja e madhe brenda parlamentit për ndërtimin e një gardhi në kufirin mes Finlandës dhe Rusisë.

Reklama

Ndërtimi i një gardhi në kufi, është propozim i rojeve kufitare të Finlandës, transmeton Telegrafi.

“Është çështje e sigurimit të mbikëqyrjes së duhur të kufirit lindore të Finlandës”, tha kryeministrja finlandeze para gazetarëve, para se të fillonte një takim me grupet parlamente lidhur me çështjen e një gardhi kufitar.

Rojet kufitare të Finlandës kishin propozuar më herët mbulimin e pjesës që përfshin 1340 kilometra të kufirit që Finlanda e ndanë me Rusinë, që është linja më e gjatë nga të gjitha vendet anëtarë të BE-së.

Reklama

Konsiderojnë se kjo do t’i ndihmojë në parandalimin e emigrimit masiv dhe ilegal. E sipas ekspertëve, ky gardh do të duhej të ishte 260 kilometra i gjatë, dhe do të mbulonte zona që janë identifikuar si me rrezik të madh për emigrim ilegal nga Rusia.

Reklama

Pjesët kryesore të gardhit do të duhej të ngriteshin në juglindje të Finlandës, ku po zhvillohet shumica e tregtisë nga Rusia. Por disa pjesë sigurisht se do të ndërtohen edhe rreth vijës kufitare në veri.

Ndërtimi i gardhit do të duhej të zgjaste deri në katër vite dhe pritet të kushtojë disa qindra milionë euro, shkruan agjencia finlandeze e lajmeve STT. E mediat e atjeshme raportojnë se këtë projekt e mbështesin partitë e koalicionit qeverisës si dhe nga opozita. /Telegrafi/

Reklama