Casemiro befasoi këtë verë duke vendosur të largohet nga Real Madridi dhe nënshkroi për Manchester United.

Reklama

Së bashku me Luka Modric dhe Toni Kroos, ai formoi një treshe të mesfushës që shënoi dekadën e fundit të klubit madrilen dhe të futbollit evropian.

Casemiro u largua nga Reali pas 336 ndeshjeve, 31 gola dhe 29 asistime.

Klubi spanjoll e solli atë nëntë vjet më parë për 6 milionë euro nga Sao Paulo dhe e shiti te Man United për dhjetëfishin e shumës.

Largimin e tij e ka komentuar edhe ish shoku i tij i mesfushës, Toni Kroos që thotë se ndjehet i pikëlluar për largimin e brazilianit.

Reklama

“Unë u befasova nga largimi i Casemiro. Ka pasur disa thashetheme, por ka gjithmonë thashetheme dhe në fund nuk ndodh asgjë. Kur më tha se po largohej, u pikëllova”.

Reklama

“Kujtimet e viteve tona së bashku dhe që fituam gjithçka së bashku, filluan të më kalonin në kokë” , tregoi mesfushori gjerman 32-vjeçar.

Edhe Kroos mund të largohet në fund të sezonit nga Real Madridi pasi mbetet pa kontratë. /Telegrafi/