Niko Kovac prezantoi sot lojtarin e ri, Ivan Perisicin. Bayern Munich solli kroatin në një hua njëvjeçare për të blerë kontratën.

Reporterët e pyetën trajnerin se pse skuadra bavareze e zgjodhi ta huazoj reprezentuesin e Kroacisë.

“Gjithnjë e më shumë transferime të tilla po ndodhin. Klubet nuk duan të marrin përsipër rrezikun dhe të harxhojnë miliona euro. Kështu ndodhi me Jamesin, në fund u shpagua. Ne jemi në një pozitë të mirë tani për tani”, tha strategu.

Perisic ka qenë prej kohësh në listën e dëshirave të kampionit të Bundesligës, por nuk ishte objektivi kryesor.

“Ivani ishte opsioni i dytë për transferim, por nuk është problem. As nuk isha përzgjedhja e parë. Kur ne e pamë mundësinë ta sjellim atë, ne reaguam shumë shpejt. Ivani ishte në listën tonë të dëshirave për një kohë të gjatë. Unë ia rekomandova Bayernit, ne e dimë se luajti në Gjermani dhe ishte më i miri. Unë e njoh atë nga kombëtarja, ai është një ndër lojtarët më të mirë”, shtoi Kovac.

Ndryshe, Rekordmeister ka paguar pesë milionë euro për sulmuesin dhe mund ta blejë përfundimisht për njëzet sosh. /Telegrafi/