Dejan Iliq, kolumnisti i OJQ-së me bazë në Beograd “Pescanik”, ka reaguar ndaj presidentit serb Aleksandar Vuçiq, i cili ka formuar ekip për parandalimin e anëtarësimit të Kosovës në Këshillin e Evropës.
Iliq, që ësjtë përkrahës i iniciativës “Serbia kundër dhunës”, si mysafir në një emision televiziv të N1, ka pyetut se “cili është problemi që Kosova do të pranohet në Këshillin e Evropës?”.
“Cili është saktësisht problemi? Cili është problemi, ata do të pranohen, sigurisht që do të pranohen, sigurisht që është një vend më vete! Dhe, çfarë, ju nuk mund të pajtoheni me këtë, tani i ndani zhgënjimet tuaja me ne?”, ka thënë Iliq, transmeton Telegrafi.
PORUKA SA N1: VUČIĆU, NEMOJ DA NAS SMARAŠ SVOJOM BORBOM ZA KOSOVO, KOSOVO JE NEZAVISNO I POMIRI SE SA TIM!
Dejan Ilić – redovan gost N1 i podržavalac “Srbije protiv nasilja”:
“Šta je problem što će Kosovo biti primljeno u Savet Evrope? Šta je problem tačno? Šta je problem, biće… pic.twitter.com/xWRMLSc6Rv
— Detektor laži (@LaziDetektor) April 5, 2024
Me kërkesë të presidentit serb Aleksandar Vuçiq, Qeveria e Serbisë ka formuar një ekip për të parandaluar anëtarësimin e Kosovës në Këshillin e Evropës (KiE).
Por, analistë e politikanë në Serbi vlerësojnë se ky ekip nuk do të arrijë asnjë rezultat dhe se shërben vetëm për konsum të brendshëm në mënyrë që pushteti aktual të “lajë fytyrën” nëse Kosova do të anëtarësohet në këtë organizatë.
Analisti i politikës së jashtme, Boshko Jakshiq, ka vlerësuar se “formimi i ekipit është një ndërmarrje donkishoteske, pra një luftë e vërtetë me mullinjtë e erës”.
“Qeveria e di dhe presidenti e ka pranuar shumë herë që Kosova ka shumicën e nevojshme për hyrje në KiE dhe se kjo nuk do të ndryshojë. Tani formimi i një brigade të veçantë, me forca speciale që duhet ta pengojnë këtë hyrje, është absolutisht një perde tymi për opinionin serb”, thotë Jakshiq, transmeton Telegrafi.
Ai shton se kjo është një manifestim publik i asaj që Vuçiq ka thënë disa herë, përkatësisht se nuk ka pranuar disa gjëra nga marrëveshja.
Nga ana tjetër, ish-diplomati Sreçko Gjukiq thotë një lëvizje të tillë e sheh për herë të parë në praktikën diplomatike.
“Është çështje e marrëdhënieve të Serbisë me bashkësinë ndërkombëtare dhe kjo i përket fushës së politikës së jashtme dhe diplomacisë. Këtë e bën rrjeti i politikës së jashtme dhe Ministria e Jashtme, nuk e di se çfarë mund të kontribuojë aty ministri i Bujqësisë. Një gjë tjetër që nuk e kam të qartë është se si do ta luftojnë, prandaj them se kjo më duket partizane”, tha Gjukiq.
Gjukiq rikujton se anëtarësimi i Kosovës në të gjitha organizatat ndërkombëtare ka ardhur nga marrëveshja e Brukselit e nënshkruar në vitin 2013, pastaj nga planifranko-gjermane dhe Marrëveshja e Ohrit e vitit 2023.
“Prandaj, unë e shoh si një përpjekje për t’u larë pushteti aktual dhe për të mos marrë përgjegjësinë për marrjen e statusit të anëtarit të Kosovës në Këshillin e Evropës”, tha Gjukiq, transmeton Telegrafi.
Gjukiq thotë se nuk do të ketë rezultate nga ky ekip.
Ndërkohw, presidenti serb, Vuçiq, tha të shtunën se u “bënë përpjekje të premten për të zgjidhur gjithçka” për anëtarësimin e Kosovës në Këshillin e Evropës, para takimit të Asamblesë Parlamentare të kësaj organizate këtë muaj, ku do të votohet për anëtarësimin apo jo të Kosovës.
Lideri serb tha se “përpjekjet u parandaluan falë ndërhyrjes së dy vende”.
“Ata u përpoqën dje, para vendimit të Asamblesë Parlamentare të Këshillit të Evropës, për të përfunduar gjithçka, dhe falë ndërhyrjes së dy vendeve, kjo nuk ndodhi”, tha Vuçiq të shtunën për gazetarë në Beograd.
Vuçiq nuk i shpjegoi “përpjekjet”, e as nuk tregoi se cilat vende “e parandaluan atë”.
Kujtojmë se Komisioni për Çështje Politike dhe Demokraci ka dhënë një opinion pozitiv për anëtarësimin e Kosovës në Këshillin e Evropës më 27 mars.
Më pas çështja do të diskutohet në seancën plenare të Asamblesë Parlamentare të Këshillit të Evropës. Seanca pritet të mbahet më 16 prill.
Kosova duhet të sigurojë një shumicë prej dy të tretash në atë organ për të fituar statusin e anëtarit. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t’u imponohet shteteve për të kundërshtuar Kosovën në KiE
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t'u imponohet shteteve për të kundërshtuar Kosovën në KiE
Policja që u raportua e zhdukur paraqitet në stacionin e Rahovecit
DW: Sinjale alarmi nga Ballkani - po përsëritet historia?
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak