Kolegji i Kirurgëve të Kosovës promovon nesër numrin e fundit të revistës shkencore

Kolegji i Kirurgëve të Kosovës nesër do të promovojë botimin e numrit të fundit të revistës shkencore “Kosova Journal of Surgery”

Në këtë promovim do të marr pjesë edhe kryetari i Kolegjit dhe ish-ministri Rifat Latifi. Në njoftim thuhet se do të ketë pjesëmarrje edhe nga institucionet, por nuk është bërë e ditur saktësisht se cilat institucione janë ftuar.

Lexoni njoftimin e plotë:

Kolegji i Kirurgëve të Kosovës do të promovoje botimin e numrit të fundit të revistës shkencore ‘Kosova Journal of Surgery’ (Volumi 6, Nr. 2), si dhe 4-Vjetorin e themelimit, më 16 dhjetor, ora 11:00, në amfiteatrin e Bibliotekës Kombëtare të Kosovës.

Të pranishëm, pos menaxhmentit të Kolegjit (duke filluar nga Kryetari Prof. Dr. Rifat Latifi), do të jenë edhe të ftuar të institucioneve relevante arsimore e shkencore.

Kolegji i Kirurgëve të Kosovës është organizatë ombrellë e të gjitha shoqatave kirurgjike në Kosovë dhe një nga veprimtaritë kryesore të tij është botimi i Revistës Shkencore ‘Kosova Journal of Surgery’.

Me këtë rast jeni të ftuar të përcillni këtë ngjarje të rëndësishme për shkencën dhe mjekësinë kosovare.

/Telegrafi/