Klopp: Man City janë favoriti kryesor për titullin e Ligës Premier

Trajneri i Liverpoolit, Jurgen Klopp ka pranuar se Manchester City është ekipi që duhet mposhtur sivjet, duke lavdëruar punën e tyre në tregun e transferimeve.

Jurgen Klopp e ka vlerësuar Manchester Cityn si favoritin kryesorë për titullin e sivjetmë në prag të sezonit të ri të Ligës Premier.

Lexo po ashtu Klopp: Coutinho nuk shitet për asnjë çmim

Gjermani është duke synuar të përfundoj sa më lartë me Redsat, por thotë se Man City janë ekip që duhet mposhtur, duke theksuar se nënshkrimi i Gabriel Jesusit në sezonit e kaluar dhe përmirësimet e tyre mbrojtëse në këtë afat janë si arsye kryesore.

Lexo po ashtu Manchester City është kthyer në klub të njohur – Mësoni 15 blerjet më të mira në histori, jo të gjitha me miliona euro (Foto)

“Aktualisht favoriti kryesorë duhet të jetë Manchester City. Ata kanë luajtur disa lojëra të pabesueshme vitin e kaluar dhe kishin vetëm disa probleme”, ka thënë fillimisht Klopp.

“Ata janë padyshim favoritët. Manchester City është në sulm, kjo është e qartë”.

“Ata tashmë kishin një ekip të pabesueshëm sezonin e kaluar dhe pastaj Jesus u bashkua me ta. Ai është shumë i ri dhe me të vërtetë i fortë. Lojtar i pabesueshëm – dhe tani ata morën edhe disa mbrojtës”, përfundoi trajneri gjerman. /Telegrafi/