Një nga boksierët më të mirë që ka njohur historia e boksit, Wladimir Klitschko, ka bërë të ditur se ai do të pensionohet nga boksi.

Klitschko shokon botën, pensionohet nga boksi dhe pamundëson ri-meçin me Joshuan

Ukrainasi pësoi humbje nga Joshua në prill, ku britaniku u bë kampioni absolut në boksin botëror.

Ri-meçi i cili ishte menduar të zhvillohet më 11 nëntor në Las Vegas, tash duhet që të caktohet me një konkurrent tjetër për Joshuan.

Klitschko e konfirmoi në faqen e tij zyrtare vendimin për pensionim, por ajo tashmë është jashtë funksionit për shkak të fluksit të vizitorëve dhe interesimit të madh pas vendimit shokues.

Lajmet e fundit nga Anthony Joshua Lajmet e fundit nga Anthony Joshua

41 vjeçari Klitschko ka 10 vjet të dominimit të plotë në kategorinë e rëndë të boksit dhe humbi nga Tyson Fury në vitin 2015.

Ai u rikthye pas një përgatitje 18 muajshe për t’u përballur me Joshuan para 90 mijë tifozëve në Londër.

Klitschko ishte nokautuar në raundin e pestë, por e hodhi në dysheme Joshuan në raundin e shtatë.

Por, ishte britaniku spektakolar ai që ia doli të rikthehej dhe ta mposhtë ukrainasin në raundni e 11-të.

Ky vendim ka shokuar botën e boksit që ka pritur një përballje të madhe titanësh për fundin e këtij viti. /Telegrafi/