Kishte pohuar se nuk do të gjej të dashur pa miratimin e pastorit, por Justin Bieber i han fjalët (Foto)

Kohët e fundit Justin Bieber sikur ka rënë në qetësi dhe përveç faktit që nuk ka sjellë ndonjë këngë të re për publikun, këngëtari kandadez ka marrë dhe pak kohë pushim dhe nuk ka preferuar të krijojë një lidhje të re.

Mesa duket pushimi mbaroi dhe 23-vjeçari është fotografuar në krahët e një vajze e cila nuk është aspak e panjohur. Mësohet se Justin është në një lidhje me aktoren Paola Paulin, e cila është tre vjet më e madhe se këngëtari.

Takimi i tyre i parë ishte në kishë pasi Paola kishte dëshirë të njihej me pastorin Carl Lentz, një personazh shumë i njohur dhe i dashur nga të gjithë. Këngëtari ishte treguar shumë i gatshëm dhe pas prezantimit me pastorin e ka ftuar për të pasur një takim tjetër paksa më intim.

Carl Lentz përveç se pastor, është edhe udhërrëfyesi i 23-vjeçarit, një baba, këshillues, mentor dhe një vëlla i madh i cili e ndihmoi Justin të ndiqte “rrugën e duhur”. Ai nuk merr vendime pa miratimin e Carl dhe fakti që ia ka prezantuar të dashurën e re është një tregues i mirë që çifti e ka marrë bekimin.

Të shohim nëse kjo do të jetë një marrëdhënie afatgjatë apo do jetë si dhe shumë lidhjet e tjera të këngëtarit kanadez. /class/