Kim Kardashian piu 11 ‘shotsa’ gjatë një feste në Hamptons, ndërsa ishte parë duke flirtuar me Tom Bradyn

Kim Kardashian kaloi një natë të zjarrtë teksa mori pjesë në festën luksoze të miliarderit, Michael Rubin, në Hampton – përpara festës së organizuar për 4 korrikun.

Themeluesja e “Skims”, 42-vjeçe, rrëfeu në Twitter se kishte pirë 11 shotsa gjatë gjithë mbrëmjes, ndërsa një burim i tha DailyMail se ajo u pa duke flirtuar me yllin e NFL-së, Tom Brady, 45-vjeç.

“Kim dhe Tom ishin super flirtues me njëri-tjetrin në festën e Rubinit dhe u panë gjatë ditës në plazh së bashku e përsëri duke kërcyer natën”, tha burimi i brendshëm.

Ata shtuan se Tom – i cili më parë ishte i martuar me supermodelen braziliane Gisele Bundchen – është ‘pikërisht tipi i saj’.

Kim dhe Tom u përfolën për një lidhje në fillim të këtij viti pasi ylli i famshëm po kërkonte të blinte një shtëpi pranë Tomit në Bahamas.

Por skuadra e kampionit të Super Boël e mohoi romancën dhe këmbënguli se ata janë ‘thjesht miq’.

“Tom dhe Kim kanë qenë në kontakt sepse Kim po kërkon të blejë pronë ku Tom ka një shtëpi pushimi”, thanë përfaqësuesit e tij në një deklaratë për ET në maj.

“Kim dhe Tom kanë miq dhe partnerë të përbashkët biznesi, por ata nuk po takohen”.

Ylli i “Keeping Up With the Kardashians” finalizoi divorcin nga ish-bashkëshorti i tretë Kanye West, 45 vjeç, në nëntor, gati dy vjet pasi ajo bëri kërkesë për ndarje.

Ish-çifti – të cilët ishin të martuar për gati shtatë vjet – kanë katër fëmijë: North, Saint, Chicago dhe Psalm.

Kim më pas ka qenë në një romancë të hapur me yllin e SNL-së, Pete Davidson. /Telegrafi/