Fotot e Harry-t dhe Meghan-it, të bëra në festën e ditëlindjes së Kris Jenner-it, janë zhdukur në mënyrë misterioze nga llogaria e Kim Kardashian-it në Instagram.
Megjithëse ish-anëtarët e familjes mbretërore u fotografuan plot gëzim jashtë ngjarjes së mbushur me yje gjatë fundjavës, fansat e hutuar iu drejtuan Reddit-it për të pyetur pse fotot e çiftit brenda festës ishin zhdukur.
Imazhet e fshira përfshinin një foto të Kim Kardashian-it dhe Dukeshës Meghan, duke pozuar së bashku me buzëqeshje për kamerën, ndërsa Duka i Sussex-it, 41 vjeç, shihej duke biseduar me dikë në sfond.
Një tjetër foto ishte bërë pas Jenner-it, ndërsa Meghan i vendoste dorën mbi shpatull, teksa Harry bënte një fytyrë qesharake në drejtim të saj.
Ndërkohë, një tjetër foto e fshirë tregonte Meghan-in pranë shefit të Netflixit, Reed Hastings.
Komentuesit në Reddit mbetën të habitur nga fotot e zhdukura, teksa njëri shkroi: “Pse e fshinë foton e tyre, i pamë në festë?”
Por ky nuk ishte komenti i vetëm, pasi kishte edhe reagime të tjera të ngjashme, duke theksuar se internet nuk harron dhe se ishte e çuditshme të merrje pjesë në festë, e të mos shfaqeshe në fotografi të ndryshme nga pjesëmarrja.
