Ngjarja e tmerrshme që ka ndodhur këto ditë në Shqipëri, ka prekur tashmë të gjithë.

Mes mijëra aktiviteteve që po zhvillohen në shenjë solidarizimi me të prekurit nga tërmetet, gati të gjithë këngëtarët shqiptarë kanë anuluar koncertet në shenjë respekti për viktimat.

Edhe ata që pak kanë mbajtur koncerte, i kanë dërguar të ardhurat për mobilizimin e situatës në Shqipëri.

Pak para netëve finale, Besa Kokëdhima tërhiqet nga Kënga Magjike: Në këtë kohë tragjedie, e kam të pamundur të këndoj Pak para netëve finale, Besa Kokëdhima tërhiqet nga Kënga Magjike: Në këtë kohë tragjedie, e kam të pamundur të këndoj

Kjo tragjedi e cila ndodhi vetëm dy javë larg festivalit më të madh në Shqipëri, “Kënga Magjike”, që këtë vit solli në skenë artistë të mahnitshëm – vuri në pikëpyetje organizimin e tij te publiku në rrjetet sociale.

Megjithatë, producenti i festivalit, Ardit Gjebrea, ka njoftuar se festivali këtë vit do të mbahet sipas datave të parashikuara më 5, 6 dhe 7 nëntor 2019 në Pallatin e Kongreseve, në Tiranë.

I njëjti ka zbuluar se të gjitha të ardhurat nga biletat e shitura do të shkojnë për bamirësi, për ndërtimin e një shtëpie në Thumanë të Durrësit.

“#kendojpertendertuar
Me të ardhurat e biletave të Festivalit Kënga Magjike, do të ndërtojmë shtëpinë e familjes Caci në Thumanë që sot është e pabanueshme dhe duhet hedhur në tokë.
Ne këtë kemi në dorë, artistët do këndojnë dhe jo më për garë, por për art dhe kontribut!
Secili nga ne mundet dhe jam krenar për artistët e @kengamagjikeofficial që janë bashkuar në këtë kauzë.
#tegjithebashkemundemi dhe ndërtojmë shtëpi”, ka shkruar Gjebrea në Instagram. /Telegrafi/