Katër të arrestuar për sulme fizike në regjionin e Prishtinës

Policia e Kosovës ka bërë të ditur se gjatë 24 orëve në regjionin e Prishtinës janë arrestuar katër persona për sulm fizik.

Tre prej tyre janë dërguar në mbajtje ndërsa njëri është liruar në procedurë të rregullt.

Gllogoc 21.11.2022 – 11:07. Është arrestuar i dyshuari mashkull kosovar-i mitur, i cili për shkak të një fjalosje me një mjet të mprehtë (brisk) e kishte sulmuar fizikisht viktimën e mitur mashkull  kosovar. Si pasojë e rastit viktima ka pranuar tretman mjekësor, nga i dyshuari është sekuestruar mjeti i përdorur në rast dhe me vendim të prokurorit, i dyshuari pas intervistimit është dërguar në mbajtje.

Rr. Dëshmorët e Kombit, Prishtinë 21.11.2022 – 11:20. Janë arrestuar dy të dyshuar meshkuj kosovarë për shkak se ishin përfshi në rrahje me viktimën femër kosovare. Si pasojë e rastit viktima dhe dy të dyshuarit kanë pësuar lëndime trupore dhe kanë pranuar tretman mjekësor.  Me vendim të prokurorit njëri prej të dyshuarve është dërguar në mbajtje, kurse tjetri është liruar në procedurë të rregullt.

Rr. Bill Klinton, Prishtinë 21.11.2022-18:45. Viktima mashkull kosovar ka pranuar tretman mjekësor pasi që i njëjti është sulmuar fizikisht nga i dyshuari mashkull kosovar. Palët janë intervistuar dhe me vendim të prokurorit, i dyshuari është arrestuar dhe dërguar në mbajtje./Telegrafi/