LAJMI I FUNDIT:

Ka përfunduar faza e rregullt në Superligën e Femrave – 20 fitore për Bashkimin

Ka përfunduar faza e rregullt në Superligën e Femrave – 20 fitore për Bashkimin
(Foto: basketbolli.com)

Superliga e Femrave ka mbyllur serinë e rregullt prej 20 xhirove. Në ndeshjet e xhiros së fundit fituan favoritet, kështu duke e paralajmëruar njëra-tjetrën para fazës ‘play off’.

Bashkimi mbyll xhiron e rregullt me 20 fitore në po aq ndeshje të zhvilluar. Në javën e 20-të vajzat nga Prizreni u takuan me Vëllaznimin, ku ndeshja u mbyll me rezultat 69-101. Vajzat e Gjakovës këtë edicion mbyllën garat në pozitën e fundit me vetëm dy fitore dhe 18 humbje.

Për fitoren e xhiros së 20-të te Bashkimi u dalluan Taliyah Hopkins 31 pikë, nëntë kërcime dhe gjashtë asistime, e cila u ndihmua nga kapitenia Aulona Muhadri me 17 pikë, 12 kërcime dhe dy asistime.

(Foto: basketbolli.com)

Fitore të lehtë arriti edhe Prishtina në shtëpi duke mposhtur United Basketball me shifra 70:42. Prishtinaset e mbyllin edicionin e rregullt në vendin e dytë me 16 fitore dhe katër humbje të cilat ia ka shkaktuar Bashkimi.

Kurse vajzat nga Gjilani të cilat luajtën për herë të parë në elitën e Superligës patën paraqitje të mirë gjatë sezonit, të cilat regjistruan katër fitore dhe 16 humbje. Më të dalluarat te Prishtina në këtë ndeshje ishin Diellza Dekaj me 15 pikë, gjashtë kërcime dhe dy asistime dhe Enxhi Xhanaj nëntë pikë, 14 kërcime dhe tre asistime.

Trepça dhe Penza ishte ndeshja e fundit e cila mbylli edicionin e rregullt, ku mitrovicaset u mposhtën në “Minatori” me rezultat 58-71.

Vashat nga Peja këtë vit kanë arritur 12 fitore dhe tetë humbje, kështu duke e mbyllur edicionin në vendin e tretë, ndërsa vajzat e Mitrovicës janë renditur në vendin e katërt më gjashtë fitore dhe 14 humbje. Më e mira te Penza ishte kapitenia Jeta Zeka me 21 pikë, 10 kërcime dhe pesë asistime.

Në trend Sport

Më shumë
Lojtari i Arsenalit merr një 'kontratë rekord' që nuk është parë më parë në Emirates

Lojtari i Arsenalit merr një 'kontratë rekord' që nuk është parë më parë në Emirates

Premier League
Për tre muaj, 50 baste: Publikohet videoja ku Tonali mezi pret të ndëshkohet me karton të verdhë

Për tre muaj, 50 baste: Publikohet videoja ku Tonali mezi pret të ndëshkohet me karton të verdhë

Premier League
Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Premier League
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
Barcelona mund të marrë një shifër të konsiderueshme nga Man Utd këtë verë

Barcelona mund të marrë një shifër të konsiderueshme nga Man Utd këtë verë

Ndërkombëtare
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
Kalo në kategori