Fati i saj ndryshoi para 19 vjetësh. Atë ditë kur familja kishte vendosur që vajzën e saj 33 vjeçe ta martojë me shkues.
Jeta u kthye në tmerr për gruan nga Klina, e cila ka vendosur të rrëfejë jetën e saj të trishtë, për dhunën që përjetoi 17 vjet rresht nga bashkëshorti i saj, i cili ka probleme mendore.
Këtë e kuptoi vetëm dy vjet pas martesës, pak para se ta lindte djalin, i cili u bë arsye e vuajtjeve dhe rezistencës së saj.
“Më kanë kërku me braktis djalin”, tha ajo.
Ky ishte një kompromis që ajo nuk e pranoi me asnjë çmim. Thellë besonte se vuajtjeve do t’u vinte fundi dhe dashuria për fëmijën do ta ndryshonte sjelljen e burrit të saj.
“Asnjëherë nuk e lë fëmijën tim… Asnjëherë në botë.. masanej skom pasë rrrugëzgjidhje tjetër, veç me u kthy te burri…”, u shpreh ajo për ATV.
Mbijetesa nën dhunën sistematike të burrit të saj, për 17 vjet, ishte e vështirë.
“Ka përdorë dhunë me shuplakë, me grusht, për floksh, me shkelum, me shtagë. Ka pasë raste kur ma ka afru thikën deri te fyti… Kam qenë duke shërby kafe. Edhe m’ka sha pse nuk po dhezet zjarri…”, tha ajo.
Për më tepër, gruaja thotë se nuk gjeti mbështetje as tek institucionet.
“Unë mbi 200 herë e kam lajmëru rastin në polici. Deri në 50 seanca gjyqësore janë marrë për 17 vjet. Përgjigja e institucioneve ka qenë: shko te burri yt, nuk ki kah ja man, nuk ke rrugëdalje tjetër”, tha ajo.
Pa punë, pa shtëpi e pa përkrahje nga familja, 52-vjeçarja ka hall edhe mbijetesën. Edhe paratë që i marrin përmes asistencës sociale, ajo thotë se burri nuk di t’i menaxhojë.
Nga institucionet zonja kërkon vetëm banim të përkohshëm, e më pas thotë se mund të punojë për çka edhe u shkollua para martesës.
“Unë jam e gatshme me punu si rrobaqepëse, si instruktore e rropaqepësisë, apo çkado tjetër, vetëm që ta sigurojë bukën e gojës”, tha ajo.
Krahas mbijetesës përballë dhunës, ajo forcën për mbijetesë e gjeti te pasioni i saj – leximi.
“Mu m’ka ndihmu libri ‘Shërimi i vetvetes’, ku me pasë mundësi që të kujdesesh për vetveten. Ai është libër që të ndihmon që mos ta humbësh veten”, shtoi ajo.
Për të gjitha gratë që janë duke përjetuar të njëjtën situatë, zonja nga Klina ka një mesazh.
“Asnjëherë mos e duro dhunën. Gjithmonë të jesh vetvetja. Dhuna nuk durohet nga askush. Në asnjë mënyrë”, u shpreh tutje ajo.
52-vjeçarja ka vendosur të mos durojë më. Ajo shpreson të gjejë një zgjidhje për t’ia dalë e vetme.
Promo
Reklamo këtuLufta Prigozhin - Putin
Më shumëKurti ironizon me ushtrimet e ushtrisë serbe: Paraqesin ndotje të ajrit e tokës
SHBA-ja synon ta "fortifikojë" Ballkanin Perëndimor
Protesta e dhunshme para Bashkisë së Tiranës, reagojnë ambasadat e SHBA-ve dhe BE-së
Trajnimi i ushtarëve ukrainas, ambasadori Kapiti: Krenarë me përkushtimin e FSK-së
500 euro gjobë, 5 pikë negative, 6 muaj masë mbrojtëse e sekuestrim i veturës – Policia dënon vozitësin në Pejë
11-vjet nga marrëveshja e nënshkruar nga Thaçi dhe Daçiq, deklarohet Stano: Themelimi i Asociacionit, ndër çështjet më urgjente
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi