Juventusi e ka zyrtarizuar skuadrën për ndeshjen e së dielës në Superkupën e Italisë ndaj Lazios që do të zhvillohet në Rijad.

Ndeshja do të zhvillohet mes fituesit të kampionatit dhe Kupës.

Trajneri Maurizio Sarri e ka emëruar skuadrën e tij për udhëtim, ku e ka përfshirë edhe kapitenin Giorgio Chiellini, edhe pse ai nuk mund të luajë pas operimit të gjurit.

Ai ka qenë i pranishëm në të gjitha ndeshjet e Bianconerëve këtë sezon, duke i shikuar ndeshjet nga shkallët.

Juventus  (Foto: Chris Ricco/Getty Images/Guliver)

Wojciech Szczesny dhe Alex Sandro janë gjithashtu të pranishëm, pavarësisht se pësuan dëmtimi këtë javë, por nuk dihet nëse do të jenë në dispozicion për të luajtur.


Skuadra e Juventusit për ndeshjen me Lazion: Szczesny, Pinsoglio, Buffon; De Sciglio, Chiellini, De Ligt, Alex Sandro, Danilo, Bonucci, Rugani, Demiral; Pjanic, Ramsey, Matuidi, Emre Can, Rabiot, Bentancur; Ronaldo, Dybala, Douglas Costa, Cuadrado, Pjaca, Higuain, Bernardeschi.


/Telegrafi/