Anthony Joshua do të përballet me Kubrat Pulev të shtunën, një meç i madh që iu ka munguar fansave të boksit tash e një kohë.

Të ardhurat për luftën janë më pak se zakonisht, pasi meçi nuk do të zhvillohet në “Tottenham Hotspur Stadium”, ndërsa do të jenë të pranishëm 1000 tifozë nga ora 23 me kohën tone lokale.

Pulev nuk shihet si një kërcënim i madh për Joshuan, i cili zotëron rripat në WBA, WBO dhe IBF, pasi kishte mundur Andy Ruiz Jr herën e fundit në Arabinë Saudite .

Nuk ka ende shifra zyrtare për këtë meç, por Joshua pritet të fitojë diku rreth 11 milionë euro (10 milionë funte) për këtë luftë, ndërsa Pulev dikur mbi 3 milionë euro

Fitimet e Joshuas do të jenë dukshëm më pak se ajo që fitoi kundër Ruiz Jr.

Joshua kishte marr 46 milionë funte (50 milionë euro) në atë luftë, ndërsa Ruiz Jr, si kampion në atë kohë, kishte fituar rreth 7.5 milionë funte (8,1 milionë euro). /Telegrafi/