Real Betis fitoi Kupën e Mbretit të shtunën mbrëma, duke mposhtur Valencian 5-4 në penallti, pasi loja e rregullt u mbyll me barazim 1-1. Kapiteni i Betisit, Joaquin u bë lojtari më i vjetër që fitoi një trofe në Spanjë dhe për këtë e uroi edhe Mbreti i Spanjës.

Trofeu i Copa del Rey ishte i pari që Real Betis e fitoi që nga viti 2005, kur mundi Osasunën në Vicente Calderon në Kupë.

Atë sezon ata gjithashtu arritën të përfundojnë në vendin e katërt dhe të kualifikohen në Ligën e Kampionëve, diçka që nuk e kanë arritur që atëherë. Joaquin, kapiteni veteran i Betisit, ishte pjesë e atij ekipi.

Dhe duke folur për Marca, 41-vjeçari foli për ndjenjat e trofeut dhe shumëçka tjetër, por vëmendja u ‘vodh’, pasi zbuloi gjithashtu se çfarë i tha mbreti i Spanjës kur mori trofeun.

“Më tha: “Urime, të gjithë e meritoni dhe ju edhe më shumë. Unë jam shumë i lumtur për ju. Shijoje me njerëzit e tu”, ka zbuluar fillimisht Joaquin për Marca.

“Isha krenar dhe i privilegjuar për praninë e tij dhe e di që ai ka rrënjë nga Betisi pasi gjyshja e tij ishte një mbështetëse e Betisit”.

“Por me nervat dhe emocionet harrova ta them”, përfundoi spanjolli. /Telegrafi/