Jerome Boateng aktualisht është një futbollist i lirë dhe në pritje për ta mësuar skuadrën e re.

Qendërmbrojtësi gjerman u largua pas 10 viteve nga Bayern Munich pas përfundimit të kontratës së tij.

Megjithatë tani e një muaj pasi ka mbetur i lirë, Boateng ende nuk është angazhuar tek ndonjë skuadër.

Mediat gjermane kanë raportuar se Boateng gjatë javës së ardhshme do të vendos përfundimisht për të ardhmen e tij.

32-vjeçari është kontaktuar nga shumë klube si në Gjermani, Spanjë, Francë, Angli, Itali e Holandë.

PSV Eindhoven dhe Hertha Berlin janë duke u parë si skuadrat favorite për të nënshkruar me lojtarin, pasi tanimë i kanë bërë oferta zyrtare.

Gjithsesi në garë për t’i fituar shërbimet e mbrojtësit veteran mbeten edhe Roma, Lazio, Tottenham Hotspur, Sevilla dhe Monaco.

Java e ardhshme pritet të jetë vendimtare për të ardhmen e Boateng, i cili është duke kërkuar nga klubet kontratë tri vjeçare. /Telegrafi/