A janë macet apo qentë më inteligjentë? Çfarë thonë shkencëtarët

Gjithmonë pronarët e qenve dhe maceve janë përpjekur të zbulojnë se kush është më i zgjuar. Çdo adhurues i qenve merr anën e tij, ndërsa adhuruesit e maceve sugjerojnë që macet janë më të zgjuara. Kjo është arsyeja pse shkencëtarët u përfshinë në këtë debat, shkruan World Cat FInder.

Pas përfundimit të studimit, studiuesit deklaruan se qentë kanë rreth 550 milionë neurone në trurin e tyre, ndërsa macet kanë rreth 250. Kjo do të thotë që qentë janë më të zgjuar se macet, mirëpo përgjigjja nuk është aq e thjeshtë.

Kur flasim për kafshë të ndryshme, mund të presim shkallë të ndryshme inteligjence, por kjo mund të jetë mjaft e vështirë për t’u përcaktuar. Meqenëse kafshët janë të ndryshme dhe të krijuara për qëllime të ndryshme, është shumë e vështirë të krahasohet inteligjenca e tyre.

Lexo po ashtu Kush ka shqisën më të mirë të aromës, qentë apo macet?

Njerëzit e lidhin inteligjencën me atë se sa e lehtë është të stërvitësh dikë

Si macet ashtu edhe qentë janë të zgjuar në mënyrën e tyre, në varësi të asaj që duhet të bëjnë. Në shumicën e rasteve, njerëzit do ta lidhin inteligjencën me atë se sa e lehtë është të stërvitesh dikë.

Lexo po ashtu Si duhet t'i kuptojmë sinjalet që na japin qentë përmes gjuhës së trupit

Qentë njihen për atë që është e lehtë për t’u stërvitur, gjë që më pas tregon se ata janë më të zgjuar. Sidoqoftë, është e mundur të stërvitni edhe macet – thjesht duhet të keni qasjen e duhur. Por nuk është gjithashtu mënyra e duhur për të matur inteligjencën e një kafshe shtëpiake.

Problemi kryesor me matjen e inteligjencës së maceve dhe qenve është se nuk ka instrumente universale. Nuk ka asgjë që do t’ju tregojë se kush është më i zgjuar. Në shumicën e rasteve, gjërat që do të funksionojnë për matjen e inteligjencës së qenve nuk do të funksionojnë për macet dhe anasjelltas. /Telegrafi/