Ja pse duhet të filloni ditën me ujë limoni

Posa të zgjoheni, shtrydheni një limon në gotë dhe mbusheni me ujë të nxehtë.

Kjo do të ketë një mori përfitimesh shëndetësore, duke filluar nga përmirësimi i sistemit të imunitetit e deri te përmirësimi i antioksidantëve, shpjegon Amy Myers, autore e The Autoimmune Solution.

“Limoni është i mbushur me vitaminë C, që e ndihmon sistemin e imunitetit. Është freskues dhe ka shije të mirë”, thotë ajo.

Gjithashtu, limoni ka përbërës që i shkatërrojnë rrezatimet e dëmshme, të cilat i dëmtojnë venat e gjakut dhe shkaktojnë pezmatime të ndryshme, transmeton Telegrafi.

Sasia e limonit varet nga ajo se sa mund të toleroni, thotë Myers. Ajo rekomandon të filloni me ¼ e deri te ½ e limonit, dhe duke e mbushur atë me ujë të nxehtë.

Uji duhet të jetë i nxehtë pasi që e absorbojmë më mirë në atë temperaturë. Sidoqoftë, gjatë ditës mund të pini edhe ujin e limonit në temperatura më të ftohta, nëse veç preferoni kështu.

Kjo do t’ju ndihmoj të qëndroni të hidratuar.

Sidoqoftë, uji i limonit ka një të keqe. Acidi që gjendet në limon mund të thyej smaltin e dhëmbëve. Nëse ndodh kjo, bakteret mund të futen në të dhe telashe tjera do të vijnë.

Për t’ju shmangur kësaj, preferohet që menjëherë pasi të pini ujin e nxehtë me limon, të shpërlani gojën me një gotë ujë dhe ta derdhni atë. Kjo do t’i largoj acidet që gjendet në dhëmbë. /Telegrafi/