LAJMI I FUNDIT:

Izraeli do të bllokojë transmetimet e televizionit “Al Jazeera’

Izraeli do të bllokojë transmetimet e televizionit “Al Jazeera’

Parlamenti izraelit miratoi të hënën një ligj që i lejon qeverisë së kryeministrit Benjamin Netanyahu të bllokojë transmetimet e televizionit “Al Jazeera” në Izrael.

Ligji i lejon kryeministrit Benjamin Netanyahu dhe Kabinetit të Sigurisë të ndalojë për 45 ditë veprimtarinë e gazetarëve dhe të bllokojë sinjalin dhe transmetimet e televizionit shtetëror të Katarit Al Jazeera në Izrael.

Ky ndalim mund të ripërtërihet dhe do të jetë në fuqi deri në fund të korrikut, ose deri në fund të operacioneve të mëdha ushtarake në Rripin e Gazës.

Ministri i Komunikimit, Shlomo Karai, akuzoi Al Jazeera-n për inkurajim të armiqësive kundër Izraelit.

“Është e pamundur të tolerohet një media, me kredenciale shtypi nga zyra e shtypit e qeverisë dhe me zyra në Izrael, që të veprojë nga brenda kundër nesh, sigurisht në kohë lufte”, tha ai.

Sipas ligjit, qeveria mund të urdhërojë mbylljen e një televizioni, konfiskimin e pajisjeve, heqjen e kanalit nga ofruesit kabllorë dhe satelitorë dhe bllokimin e faqes së tij të internetit, njoftoi faqja izraelite e lajmeve Ynet.

Kritika nga organizatat e mediave

Organizata për lirinë e shtypit “Komiteti për Mbrojtjen e Gazetarëve” (Committee to Protect Journalists, CJS) deklaroi se është tejet e shqetësuar lidhur me planet e Izraelit për të bllokuar në Izrael sinjalin dhe transmetimet e televizionit shtetëror të Katarit Al Jazeera.

Drejtori i programit të CPJ-së, Carlos Martinez de la Serna, tha se “Komiteti për Mbrojtjen e Gazetarëve është thellësisht i shqetësuar lidhur me legjislacioni i ri që i jep qeverisë autoritetin për të mbyllur Al Jazeerën në Izrael”.

Martinez de la Serna shtoi se “Ligji i jep qeverisë fuqinë për të mbyllur çdo media të huaj që vepron në Izrael, gjë që paraqet një kërcënim të rëndësishëm për mediat ndërkombëtare brenda vendit. Ky hap kontribuon për një klimë vetëcensure dhe armiqësie ndaj shtypit, një prirje e cila është përshkallëzuar që kur filloi lufta Izrael-Gaza”.

Në anën tjetër, Al Jazeera, e quajti vendimin izraelit një “përshkallëzim” që “vjen si pjesë e një serie sulmesh sistematike nga Izraeli për ta bërë Al Jazeera të heshtë”.

Al Jazeera, i hodhi poshtë akuzat se ka dëmtuar sigurinë e Izraelit duke i quajtur ato “gënjeshtra të rrezikshme dhe qesharake” që vënë në rrezik gazetarët.

Al Jazeera, e cila raporton 24 orë në ditë gjatë gjithë luftës, i ka kritikuar ashpër operacionet ushtarake të Izraelit në Gazë.

Sipas këtij mediumi, autoritetet izraelite kanë vënë në shënjestër dhe vrarë qëllimisht disa nga gazetarët e saj, ndër ta edhe Samer Abu Daqa dhe Hamza AlDahdoh, të dy të vrarë në Gazë gjatë konfliktit.

Por Izraeli thotë se nuk vë në shënjestër gazetarët. /DW/

Në trend Botë

Më shumë
Më shumë se 550 pelegrinë - shumica egjiptianë - thuhet se kanë vdekur në Mekë pasi temperaturat shkuan në mbi 50 gradë Celsius

Më shumë se 550 pelegrinë - shumica egjiptianë - thuhet se kanë vdekur në Mekë pasi temperaturat shkuan në mbi 50 gradë Celsius

Botë
Sa armë bërthamore ka aktualisht NATO - dhe vendet e tjera - dhe Rusia?

Sa armë bërthamore ka aktualisht NATO - dhe vendet e tjera - dhe Rusia?

Botë
Në Rusi raportohen 139 raste me simptoma të botulizmit, shumë prej tyre janë në gjendje të rëndë

Në Rusi raportohen 139 raste me simptoma të botulizmit, shumë prej tyre janë në gjendje të rëndë

Evropa
Turmat po shijonin plazhin, u tronditën kur një peshkaqen po notonte me shpejtësi drejt bregut të një plazhi të njohur turistik në Spanjë

Turmat po shijonin plazhin, u tronditën kur një peshkaqen po notonte me shpejtësi drejt bregut të një plazhi të njohur turistik në Spanjë

Evropa
Putin premton paqe me Ukrainën, por Kievi duhet të plotësojë dy kushte

Putin premton paqe me Ukrainën, por Kievi duhet të plotësojë dy kushte

Evropa
BE-ja miraton ligjin për të

BE-ja miraton ligjin për të "restauruar" 20 për qind të tokës dhe detit të bllokut deri në fund të dekadës

Evropa
Kalo në kategori