Zyrtarët austriakë planifikojnë të fillojnë gradualisht largimin e kufizimeve që erdhën si pasojë e coronavirusit, duke filluar me dyqanet e vogla më 14 prill dhe bizneset më të mëdha nga 1 maj.
Derisa disa qeveri po luftojnë me vendime që përfshijnë vendosjen e miliona njerëzve në mbyllje pasi coronavirusi vazhdon të përshkallëzohet – Austria nuk është një prej tyre.
Në vend të kësaj, udhëheqësit e vendit janë të vendosur ti heqin kufizimet që u zbatuan në mes të marsit si përgjigje ndaj shpërthimit të COVID-19. Shkollat dhe bizneset jo thelbësore ishin të mbyllura, dhe njerëzve u kërkohej të punonin nga shtëpia, transmeton Telegrafi.
Kjo për faktin se qeveria austriake lëshoi masa distancimi sociale herët në luftën e coronavirusit në Evropë, saqë ajo ishte në gjendje të “rrafshojë kurbën” dhe të ruante gati 9 milionë banorë të vendit nga ndikimi i sëmundjes.
Vendi gjithashtu rriti prodhimin lokal të maskave të fytyrës për të shmangur varësinë nga importi i pajisjeve mbrojtëse personale, sipas The New York Times.
“Austria ka reaguar më shpejt se vendet e tjera”, tha kancelari austriak Sebastian Kurz në një njoftim për shtyp.
“Kështu që ne kemi qenë në gjendje të parandalojmë që të ndodh më e keqja. Kjo rrethanë tani na jep mundësinë për të dalë më shpejt nga kjo krizë, por vetëm nëse të gjithë vazhdojmë t’i përmbahemi vazhdimisht masave”, tha Kurz.
Në përgjithësi, Austria ka konfirmuar më shumë se 13,200 raste të coronavirusit dhe 295 vdekje që nga e enjtja. Të paktën 5,240 njerëz janë rikuperuar, bazuar në të dhënat e përpiluara nga Universiteti Johns Hopkins.
Numri i infeksioneve në Austri po dyfishohej çdo tre ditë kur filloi bllokimi, zbuloi The Times. Tani, infeksionet e reja të vendit kanë rënë që nga 30 marsi, bazuar në informacionin nga faqja e internetit e statistikave Worldometer.
Të hënën, udhëheqësit austriakë njoftuan se bllokimi do të hiqet gradualisht
Dyqanet e vogla, dyqanet e pajisjeve dhe kopshtet do të rihapen më 14 prill dhe bizneset më të mëdha do të pasojnë më 1 maj, sipas The Washington Post.
Në Pashkë, festë e cila do të festohet më 12 prill, maksimumi pesë persona do të lejohen të jenë në një dhomë në të njëjtën kohë – përveç nëse ata jetojnë në të njëjtën shtëpi.
Qeveria planifikon t’i kushtojë vëmendje të madhe efekteve të këtyre kufizimeve më të lirshme, tha Kurz, duke përmendur, “Ne do të monitorojmë shumë nga afër numrin e infeksioneve të reja dhe menjëherë do të tërheqim frenën e urgjencës nëse është e nevojshme”, sipas The Times.
Danimarka dhe Republika e Cekisë po mendojnë për lëvizje të ngjashme, por drejtori i Organizatës Botërore të Shëndetit për Evropën, Hans Kluge, lëshoi një paralajmërim të mërkurën, shkruan The Times. Disa vende po shohin “shenja pozitive”, pranoi ai, por është shumë herët për të filluar heqjen e masave të kontrollit. /Telegrafi/
Promo
Reklamo këtuLufta Prigozhin - Putin
Më shumëÇfarë janë retë artificiale dhe a shkaktuan përmbytjet e mëdha në Dubai?
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Tërmet i fuqishëm në Turqi - raportohet për dëme materiale
Një fshat i vogël është bërë i famshëm në Itali: Atje dielli nuk bie kurrë, por vendasit kanë një ide gjeniale
SHBA vendos veto ndaj kërkesës së Palestinës për anëtarësim në OKB
Shiu i madh përfshiu Dubain - rrugë të përmbytura, fluturime të anuluara
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi