Isufi kërkon nxjerrjen e një rezolute për përmirësimin e cilësisë së ajrit

Kryetari i grupit parlamentar të AAK-së, Ahmet Isufi, në seancën e jashtëzakonshmë të Kuvendit të Kosovës për ndotjen e ajrit në Kosovë, ka folur për masat e Komunës së Prishtinës lidhur me përmirësimin e mundshëm të kësaj gjendje.

“Nxjerra e një rezolute e cila do të ndikonte në përmirësimin e kësaj gjendje është e domosdoshme, gjendemi në gjysmën e dimrit dhe është e pamundur të merren masa, gjatë kësaj periudhe të vitit gjithmonë ka pasur ndotje të ambientit, konsideroj se alarmimi krijon mundësi që sa më shpejtë të merren masa që përmes zbatimit të ligjit dhe inspektoratit të bëhet një kontroll më i madh në të gjithë këto kapacitete,” ka thënë Isufi.

Sipas Isufit, mbipopullimi në Prishtinë ka ndikuar në shfrytëzimin pa kontroll të automjeteve që sipas tij është një shkak për ndotjen e ambientit.
Isufi tha se gjendja e kaosit në qytet pas ndalimit të lëvizjes së makinave nuk është e pranueshme dhe kjo nuk prodhon një efekt afatgjatë. /Telegrafi/